ចូលវ័យ ១៨ឆ្នាំ កូនស្រី Tom Cruise កាន់តែបង្ហាញសម្រស់ស្រស់ស្អាត បែបនេះ

បរទេស៖ កាន់តែធ្វើឲ្យហ្វេនៗចាប់អារម្មណ៍ខ្លាំង ក្រោយពីបានឃើញ Suri Cruise ដែលជា​កូន​ស្រី​របស់ តារាសម្ដែង លោក Tom Cruise និង Katie Holmes បាន​បង្ហាញខ្លួនពាក់​ផ្កា​លើ​សក់​ និងបានទិញ​ផ្កា​សម្រាប់​ថ្ងៃ​ខួប​កំណើត​អាយុ ១៨ ឆ្នាំ​របស់​នាង​​ នៅ​ថ្ងៃ​ទី ១៨ ខែ​មេសា កន្លងទៅនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះដែរ Suri Cruise ត្រូវ​បាន​គេ​ឃើញ​ ទៅ​ហាង​ផ្កា​មួយ​កន្លែង នៅ​ជិត​ផ្ទះ​របស់​នាង​ ក្នុង​ទីក្រុង New York ក្នុង​ថ្ងៃ​ខួប​កំណើត​របស់​នាង ព្រមទាំងបានជ្រើសរើសផ្កាពណ៌ស សម្រាប់ខួបកំណើតពិសេសរបស់នាង ទៀតផង។

ក្នុង​ថ្ងៃ​ខួប​កំណើត​អាយុ ១៨ ឆ្នាំ​ Suri បាន​ស្លៀក​សម្លៀក​បំពាក់បែបសាមញ្ញ ជាមួយ​នឹង​ម៉ូតសក់​ដែល​ចង​យ៉ាង​ស្អាត​នៅ​ខាង​ក្រោយ ខណៈមិនបានតុបតែងខ្លួនច្រើនទេ ប៉ុន្តែនាងនៅតែបញ្ចេញភាពស្រស់ស្អាតបាន ផងដែរ។ 

មិនត្រឹមតែប៉ុណ្ណោះ យោងតាម PageSix ក៏បានបង្ហាញថា Suri បានប្រារព្ធខួបកំណើតគម្រប់ ១៨ ឆ្នាំរបស់ខ្លួន ជាមួយម្តាយរបស់នាងគឺតារាសម្តែង Katie Holmes ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ