ភរិយា David Beckham ជប់លៀងខួបកំណើត អាយុ៥០ឆ្នាំ យ៉ាងសប្បាយរីករាយ ជាមួយគ្រួសារនិងមិត្តភក្តិ

អង់គ្លេស៖ កាលពីថ្ងៃទី២០ខែមេសាកន្លងទៅនេះ លោកស្រី Victoria Beckham ដែលជាភរិយារបស់លោក David Beckham អតីតតារាបាល់ទាត់ដ៏ឆ្នើមនិងជាអ្នកជំនួញដ៏ល្បីឈ្មោះ បានប្រារព្ធពិធីជប់លៀងអបអរខួបកំណើតអាយុ៥០ឆ្នាំរបស់ខ្លួន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះ លោកស្រីបានមកដល់កន្លែងជប់លៀងជាមួយនឹងឈើច្រត់ដោយសារតែនៅឈឺជើងនៅឡើយ ដោយបានស្លៀករ៉ូបសបែកផ្ទៃមេឃស្រាល ដៃវាលក្លៀកនិងមានម៉ូតជីបភ្លីត្រង់ចង្កេះយ៉ាងស្រស់ស្អាត។

ពិធីជប់លៀងនេះប្រព្រឹត្តិទៅនៅ Oswald ក្លិបស្ថិតនៅទីក្រុងឡុងដ៍ ចក្រភពអង់គ្លេស ដោយមានការចូលរួមពីសំណាកលតារាល្បីៗនិងអតីតសមាជិកក្រុម Spice Girls ទាំងអស់ផងដែរ ដោយក្នុងនោះ David Beckham ជាស្វាមីក៏បានថតវីដេអូភរិយារាំយ៉ាងសប្បាយរីករាយ។

ក្នុងនោះកូនៗទាំងបួននាក់របស់ David Beckham និងភរិយាក៏បានចូលរួមដែរ ដែលកូនស្រីពៅ Harper Beckham បានស្លៀករ៉ូបពណ៌សយ៉ាងស្រស់ស្អាតគូគ្នាជាមួយនឹង Cruz Beckham ខណៈដែល Brooklyn និង Romeo ស្លៀកឈុតគ្រ័រហ្សេពណ៌ខ្មៅដូចលោក David Beckham ៕

ប្រភព៖: pagesix

• រូបភាព
• តារាអន្តរជាតិ