តារាប្រុសថៃ Bright ត្រូវគេប្រទះឃើញកាន់ដៃ Nene យ៉ាងស្និទ្ធស្នាល នៅប្រទេសជប៉ុន

ជប៉ុន៖ ព័ត៌មានចចាមអារ៉ាមទំនាក់ទំនងស្នេហារវាងតារាថៃប្រុសដ៏ល្បីឈ្មោះ លោក Bright Vachirawit Chivaaree និងតារាចម្រៀងស្រីកញ្ញា Nene Zheng Naixin ជាកូនកាត់ចិន-ថៃ បានផ្ទុះឡើងកាលពីយប់ថ្ងៃទី២១ខែមេសាកន្លងទៅ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្នកទាំងពីរត្រូវគេលួចថតរូបបានជាច្រើនសន្លឹក ដោយបានកាន់ដៃគ្នាយ៉ាងជិតស្និទ្ធ អំឡុងពេលដើរលេងជាមួយគ្នានៅឯប្រទេសជប៉ុន បន្ទាប់ពីតារាថៃប្រុសរូបនេះបានបង្ហោះរូបភាពខ្លួនឯងនិងមិត្តភក្តិបានធ្វើដំណើរកម្សាន្តទៅកាន់ប្រទេសនេះ។

Bright និង Nene ធ្លាប់មានព័ត៌មានចចាមអារ៉ាមថាបានទាក់ទងគ្នាម្ដងរួចមកហើយ ដោយនាងធ្លាប់បានដើរតួអង្គមួយក្នុងរឿងភាគបែប Boy Love ដ៏ល្បីឈ្មោះរបស់ថៃគឺ 2gether: The Series ដែល Bright បានដើរតួជាមួយនឹង តារាប្រុស Win ។

គួរបញ្ជាក់ផងដែរថា Bright បានទទួលប្រជាប្រិយភាពយ៉ាងសុះសាយពេលលោកបានសម្ដែងរឿងភាគ 2gether:The Series និងរឿងភាគ Meteor Garden ជាតួអង្គ Thyme ព្រមទាំងមានអ្នកគាំទ្រមកពីជុំវិញពិភពលោក ខណៈដែល Nene វិញកំពុងក្លាយជាតារាកំពុងរះនៅប្រទេសចិន ដោយនាងបានចូលរួមប្រឡងក្នុងកម្មវិធី Produce Camp 2020 និងជាសមាជិកម្នាក់របស់ Bonbong Girls 303 ផងដែរ៕ 

#BRIGHTsHomePartyinJP#BRIGHTsHomePartyinJP_DAY1 #BRIGHTsHomePartyinJP_DAY2#bbrightvc #Nenevader pic.twitter.com/WwKR0E3v8d

— azax (@mothmid1227) April 21, 2024

ប្រភព៖: dramapanda

• រូបភាព
• តារាថៃ
• តារាអន្តរជាតិ