កីឡាករបាល់ទាត់ដ៏ជោគជ័យរូបនេះ ស្ម័គ្រស្មោះជាមួយមិត្តស្រី បើទោះបីជានាងមានរូបសម្បត្តិមិនសូវស្អាត ត្រូវគេរិះគន់យ៉ាងណាក៏ដោយ

កម្សាន្ត៖ កាលពីថ្មីៗនេះ កីឡាករបាល់ទាត់ដ៏ល្បីល្បាញមួយរូបគឺ លោក Declan Rice បានធ្វើឲ្យមហាជនមានការរំជួលចិត្តជាខ្លាំង ដោយសារការបង្ហោះសាររបស់លោកឆ្លើយតបទៅនឹងការរិះគន់វាយប្រហារទៅកាន់រូបសម្រស់ភរិយារបស់លោក។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មហាជននៅក្នុងបណ្ដាញសង្គមបាននាំគ្នាវាយប្រហារទៅកាន់មិត្តស្រីរបស់កីឡាកររូបនេះជាប្រចាំថា នាងមានរូបរាងធាត់ សម្រស់មិនសូវស្អាត មិនចេះតែងខ្លួន តើមានចំណុចពិសេសណា ដែល Declan ព្រមនៅជាមួយនាង។

ជាមួយគ្នានេះ កីឡាករ​ដែលមានតម្លៃខ្លួន​ ១០៥លានអឺរ៉ូ​ លោកជាខ្សែ​បម្រើ​ការពារ​ជម្រើស​ជាតិ​អង់គ្លេស​ និងជា​កីឡាករ​ក្រុម​កាំភ្លើងធំ​ Arsenal គឺ​ Declan Rice បាន​បង្ហោះ​រូប​៤សន្លឹក​ដោយ​សរសេរ​ថា៖​

“ប្រពន្ធខ្ញុំ នាងនៅជាមួយខ្ញុំតាំងពីខ្ញុំនៅមិនទាន់មានអ្នកណា និង​មិន​ទាន់​មាន​អ្វី​ទាល់​តែ​សោះ​ ដូច្នេះកុំខ្វល់ពីមនុស្សដែលនិយាយ​ពី​យេីង​ បងនៅជាមួយអូនជារៀងរហូត។" 

ក្រោយពីលោកបានបង្ហាញក្ដីស្រឡាញ់ពិតដែលមិនគិតពីរូបសម្រស់នេះ បានធ្វើឲ្យមហាជនទូទាំងពិភពលោកមានការកោតសរសើរចំពោះបេះដូងដ៏បរិសុទ្ធរបស់លោកជាខ្លាំង ហើយថែមទាំងប្រាថ្នាចង់បានបុរសដូចជាលោកមកធ្វើជាគូជីវិតទៀតផង ព្រោះនៅក្នុងយុគសម័យនេះ គេគិតរូបសម្រស់ជារឿងសំខាន់៕

• រូបភាព
• តារាអន្តរជាតិ