ហ្អាក! Min Hee Jin ជា CEO ក្រោម HYPE អះអាងថា ក្រុម BTS កូពីគំនិត concepts ពីខ្លួនវិញ

កម្សាន្ត៖ ថ្មីៗនេះ មានភាពចម្រូងចម្រាសមួយទៀតបានផ្ទុះឡើងបន្ទាប់ពី Min Hee Jin ដែលជានាយកប្រតិបត្តិនៃ ADOR ក្រោមក្រុមហ៊ុនកម្សាន្ត HYBE បានអះអាងថា "ប្រធាន Bang Si Hyuk បានចម្លងគំនិតរបស់ខ្លួន ដើម្បីបង្កើត BTS" ។

កាលពីថ្ងៃទី 23 ខែមេសា គេបានរាយការណ៍ថា HYBE បានរឹបអូសកុំព្យូទ័ររបស់ ADOR ហើយបានរកឃើញឯកសារសំខាន់ៗចំនួនបី ដែលត្រូវបានគេកំណត់ថា ជាកំណត់ហេតុការងារដែលសរសេរដោយលោក A ដែលជាសហការីជិតស្និទ្ធរបស់អ្នកស្រី Min Hee Jin ជាមួយនឹងកាលបរិច្ឆេទថ្ងៃទី 23 ខែមីនា ឆ្នាំ 2024 និងថ្ងៃទី 29 ខែមីនា ឆ្នាំ 2024 ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លើសពីនោះ កំណត់ហេតុប្រចាំថ្ងៃ ចាប់ពីថ្ងៃទី 23 ខែមីនាបានបង្ហាញពីចេតនាមួយ ដើម្បីដាក់សម្ពាធ HYBE ឱ្យឯករាជ្យ។ ទន្ទឹមនឹងនេះ ចាប់ពីថ្ងៃទី 29 ខែមីនា រួមបញ្ចូលសេចក្តីថ្លែងការណ៍ដូចជា "ចេញជាដាច់ខាត" និង "ត្រូវប្រាកដថាគ្មានអ្នកណាប៉ះយើងបាន" ដែលវាជា 'គោលដៅ' ។

យោងតាមសារព័ត៌មាន Yonhap News ឯកសារមួយផ្សេងទៀតដែលបានរកឃើញក្នុងអំឡុងពេលសវនកម្មរបស់ HYBE មានភស្តុតាងនៃ Min Hee Jin ដែលបញ្ជាក់ថា "ប្រធាន Bang Si Hyuk បានចម្លងគំនិតរបស់ខ្លួនដើម្បីបង្កើតក្រុម BTS" ។

លើសពីនេះទៀត ក្នុងអំឡុងពេលកិច្ចប្រជុំផ្ទៃក្នុងនាពេលថ្មីៗនេះនៅ HYBE អ្នកស្រី Min Hee Jin បានរាយការណ៍ថា "ILIT បានចម្លង NewJeans ។ TWS និង RIIZE ដូចគ្នាដែរ ពួកគេក៏បានចម្លង NewJeans ផងដែរ ដោយឡែកការពិតយ៉ាងណានោះ យើងចាំមើលទាំងអស់គ្នា៕

ប្រភព៖ allkpop

• រូបភាព
• តារាកូរ៉េ