Taylor ទៅលើកទឹកចិត្តគូស្នេហ៍ ដល់ទីលានវាយកូនគោល ឡើងផ្អែមល្ហែម

អាមេរិក៖ ជីវិតស្នេហារវាងតារាចម្រៀងផងល្បីឈ្មោះរបស់អាមេរិក Taylor Swift ជាមួយនឹងកីឡាករបាល់ឱប Travis Kelce ពិតជាផ្អែមល្ហែមណាស់ ដោយអ្នកទាំងពីរតែងតែចេញមកបណ្ដើរគ្នាបង្អួតខ្សែភ្នែកអ្នកគាំទ្រ និងទៅលើកទឹកចិត្តគ្នាទៅវិញទៅមក មិនថាក្នុងការប្រគុំតន្ត្រីឬនៅទីលានប្រកួតនោះឡើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗនេះកាលពីថ្ងៃទី២៩ខែមេសាកន្លងទៅ Taylor ត្រូវបានគេប្រទះឃើញថាបានទៅលើកទឹកចិត្តមិត្តប្រុសនៅទីលានវាយកូនគោល នៅឯ Las Vegas ដែលជាផ្នែកមួយរៀបចំឡើងដោយមូលនិធិសប្បុរសរបស់ Patrick Mohames ជាមិត្តរួមក្រុមរបស់គេនៅ Kansas City Chiefs ។

នៅក្នុងវីដេអូដែលត្រូវបានចែកចាយនោះ គេបានឃើញ Taylor ឈរស្លៀករ៉ូបពណ៌សលាយខៀវ ដោយបួងសក់ឡើងដោយបាន ទះដៃលើកទឹកចិត្តមិត្តប្រុស ដែលធ្វើឲ្យអ្នកគាំទ្រមានការកោតសរសើរថា អ្នកទាំងពីរមើលទៅពិតជាស្អិតរមួតបេះមិនដាច់សោះ៕  

ប្រភព៖: pagesix

• រូបភាព
• តារាអន្តរជាតិ