មិនតុបតែងមុខអ៊ីចឹងទៅ Jennie ឡើងស្រស់ស្អាតបែបធម្មជាតិ ហ្វេននាំគ្នាសរសើរព្រាត

កូរ៉េ៖ Jennie ជាសមាជិកម្នាក់ក្នុងក្រុមចម្រៀងនារី BLACKPINK មិនត្រឹមតែជាតារាចម្រៀងដែលពូកែរាំនិងច្រៀងនៅលើឆាកតន្ត្រីទេ តែនាងក៏ជាម្ចាស់ផលិតកម្ម ODD ATELIER និងជាអ្នកមានឥទ្ធិពលក្នុងវិស័យដើរម៉ូតដែរ ព្រោះជារឿយៗ នាងតែងតែស្លៀកពាក់ស្ទាយ៍ថ្មីៗ ធ្វើឲ្យអ្នកដទៃយកគម្រូតាម។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ សម្រស់របស់ Jennie ក៏ពិតជាស្រស់ស្អាតខ្លាំងណាស់ដែរ ដោយថ្មីៗនេះ កាលពីថ្ងៃទី២ខែឧសភាកន្លងទៅ គេបានប្រទះឃើញ នាងនៅព្រលានយន្តហោះអន្តរជាតិ អ៊ីនឆន ត្រៀមធ្វើដំណើរទៅទីក្រុងញ៉ូវយ៉ក សហរដ្ឋអាមេរិក ទាក់ទងនឹងការងារនៅក្រៅប្រទេស។

អ្វីដែលគេសង្កេតឃើញនោះគឺ Jennie ពិតជាស្រស់ស្អាតខ្លាំងពេលមិនតុបតែងមុខអ្វីទាំងអស់ ដោយបង្ហាញសម្រស់ធម្មជាតិរបស់នាង និងទម្លាក់សក់ខ្មៅរលើបរលោងឯឈុតសម្លៀកបំពាក់នាងទៀតសោត ក៏បែបសាមញ្ញៗ គឺអាវយឺតធំពណ៌ខ្មៅរលុងៗពាក់ពីលើដោយអាវស្បែកខាងក្រៅនិងខោខោប៊យ តែយ៉ាងណា Jennie នៅតែក្លាយជាចំណុចចាប់អារម្មណ៍ ព្រោះតែភាពលេចធ្លោរបស់នាង៕  

ប្រភព៖: allkpop

• រូបភាព
• តារាកូរ៉េ