កម្សាន្ត៖ ផ្ទុះការភ្ញាក់ផ្អើលជាមួយនឹងសារបង្ហោះរបស់ គ្រីស ឌីវ៉ា ដែលជាអ្នកច្នៃម៉ូតដ៏ល្បីល្បាញ ក៏ដូចជាអ្នកចម្រៀងដៃគូជាមួយ Dj អេឡិច ហើយក៏ជាគូស្នេហ៍រួមសុខរួមទុក្ខជាមួយគ្នាផងដែរ បានបង្ហោះសាររៀបរាប់យ៉ាងវែងអន្លាយអំពីការសម្រេចចិត្តចែកផ្លូវរបស់អ្នកទាំងពីរ។
គួរបញ្ជាក់ផងដែរថា កន្លងមកនេះ គេឃើញគូស្នេហ៍ស្អិតរមួត គ្រីស ឌីវ៉ា និង Dj អេឡិច ធ្លាប់បានចូលក្នុងកម្មវិធីមួយ ដោយពួកគេបានរៀបរាប់អំពីរឿងរ៉ាវលំបាកឆ្លងកាត់ជាមួយគ្នា ទម្រាំនឹងមានថ្ងៃនេះ ពួកគេឆ្លងព្យុះភ្លៀង អស់រយៈពេល៨ឆ្នាំមកហើយ។
មិនតែប៉ុណ្នោះ គេក៏តែងតែឃើញវីដេអូ Vlog របស់ គ្រីស ជាបន្ដបន្ទាប់ ដើរលេងកម្សាន្តជាមួយគ្រួសារ គូស្នេហ៍ យ៉ាងសប្បាយរីករាយ។ ដោយឡែក ដំណឹងស្នេហាប្រេះឆានេះ បានធ្វើឲ្យមហាជនមានការភ្ញាក់ផ្អើល និង ខកចិត្តជាខ្លាំង មិននឹកស្មានថា ក្លាយទៅជាបែបនេះ។
សូមអានសារខាងក្រោមនេះ៖
ជូនចំពោះអ្នកគាំទ្រជាទីគោរព!ខ្ញុំចង់ចែករំលែកព័ត៌មានផ្ទាល់ខ្លួនមួយចំនួនជាមួយអ្នកទាំងអស់គ្នា បន្ទាប់ពីការពិភាក្សាគ្នាមួយរយះធំមកនេះ DJ អេឡិច និងខ្ញុំបានសម្រេចចិត្ត [ ប្រកាសការបញ្ចប់ទំនាក់ទំនងស្នេហា ] រយះពេល ៨ឆ្នាំ របស់យើងទៅកាន់អ្នកគាំទ្រជាទីស្រលាញ់ ។ ចំពោះកាងារ និងការសម្ដែងនានាពួកយើងនៅទទួលធ្វើការជាមួយគ្នាធម្មតា ក្នុងនាមជាដៃគូសហការ ។
ខណៈពេលដែលការសម្រេចចិត្តនេះមិនងាយស្រួលនោះទេ យើងទាំងពីរជឿថាវាជាជម្រើសដ៏ល្អបំផុតសម្រាប់ការលូតលាស់ និងសុភមង្គល របស់យើងម្នាក់ៗ។ យើងនឹងបន្តគាំទ្រគ្នាទៅវិញទៅមកក្នុងនាមជាមិត្តភក្តិល្អ និង ដៃគូសហការ ។ ខ្ញុំចង់បង្ហាញពីការដឹងគុណដ៏ជ្រាលជ្រៅរបស់ខ្ញុំចំពោះ DJ Alex Matt សម្រាប់ក្ដីស្រឡាញ់ សំណើច និងការបំផុសគំនិតដែលបានចែករំលែកក្នុងអំឡុងពេលយើងទាក់ទងជាមួយគ្នា។
ទំនាក់ទំនងរបស់យើងគឺជាប្រភពនៃកម្លាំង និងការច្នៃប្រឌិត ហើយខ្ញុំពិតជាដឹងគុណជារៀងរហូតចំពោះការចងចាំដែលយើងបានបង្កើត។ ពួកយើងពិតជាមិនអាចមានថ្ងៃនេះបានទេ បើយើងទាំង២មិនបានស្គាល់គ្នា ។ កំឡុងពេលនេះ ខ្ញុំសុំឱ្យអ្នកទាំងអស់គ្នាយល់ និងគោរពចំពោះភាពឯកជនរបស់យើង។ ការគាំទ្ររបស់អ្នកតែងតែមានន័យជ្រាលជ្រៅ ធំធេង ប្រៀបបាននឹងពិភពលោកសម្រាប់ខ្ញុំ ហើយខ្ញុំសង្ឃឹមថាអ្នកទាំងអស់គ្នានឹងបន្តឈរក្បែរពួកយើង និងគាំទ្រពួកយើងជាបន្តទៀត ។អរគុណសម្រាប់ក្តីស្រលាញ់ និងការលើកទឹកចិត្តដែលមិនផ្លាស់ប្តូររបស់អ្នក។
ដោយក្តីស្រលាញ់ និងការដឹងគុណគ្រីស ឌីវ៉ា - Christ Diva
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
