ស្លៀករ៉ូបខៀវ លើកសក់អ៊ីចឹងទៅ Jennie ស្អាតប្លែកនៅកម្មវិធី Met Gala 2024

អាមេរិក៖ នាមុននេះបន្តិច កម្មវិធី Met Gala ឆ្នាំ២០២៤ ដ៏ធំប្រចាំឆ្នាំបានប្រព្រឹត្តិទៅហើយ ដោយមានការចូលរួមយ៉ាងច្រើនកុះករពីសំណាក់តារាៗល្បីឈ្មោះមិនថា Ariana Grande, Kim Kardashian, Kendall Jenner, Kylie Jenner, Lana Del Rey និងតារាផ្សេងៗទៀត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះ Jennie ជាសមាជិកក្រុមចម្រៀងនារី BLACKPINK ក៏បានចូលរួមក្នុងកម្មវិធីនេះដែរ ដោយនាងបានស្លៀករ៉ូបពណ៌ទឹកប៊ិចដិតមើលទៅពិតជាស្រស់ស្អាតលេចធ្លោខ្លាំង។

ក្នុងរូបភាពដែលបានចែកចាយពេញបណ្ដាញសង្គម គេឃើញថា Jennie បានស្លៀករ៉ូបពណ៌ទឹកប៊ិចជាប្រភេទដូចស្បៃរុំដៃខ្លី បញ្ចេញក្បាលពោះនិងភ្លៅរបស់នាង ដោយមានខ្សែរឹតចង្កេះបែបគជ់ដ៏ស្រស់ស្អាតទៀតផង។ បន្ថែមពីលើនេះ នាងក៏បានលើកចងសក់ឡើងជាកញ្ចុធំយ៉ាងស្រស់ស្អាត និងផាត់មុខបែបភ្លឺផ្លេកៗពណ៌ខៀវស៊ីនឹងឈុត ដែលការបង្ហាញវត្តមានរបស់នាងបានក្លាយជាចំណុចចាប់អារម្មណ៍របស់អ្នកគាំទ្រជាច្រើន៕  

ប្រភព៖: harpersbazaar

• រូបភាព
• តារាកូរ៉េ