អតីតស្វាមី សាន់ឆាយ សុខចិត្តធ្វើរឿងមួយនេះ ដើម្បីបានជួបកូន

កម្សាន្ត៖ ថ្មីៗនេះ អ្នកជំនួញ លោក Wang Xiaofei ដែលត្រូវបានគេស្គាល់ថា ជាអតីតស្វាមីរបស់ តារាស្រី Barbie Hsu ហាក់មានការតូចចិត្ត ព្រោះអតីតភរិយាមិនអនុញ្ញាតឱ្យខ្លួន បានឃើញកូនរបស់លោក ដូច្នេះហើយ លោកបានបញ្ជូនមេធាវី និងមេដោះទៅផ្ទះអតីតភរិយារបស់ខ្លួន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តាមរយៈប្រភពព័ត៌មាន បានឲ្យដឹងថា លោក Wang Xiaofei បានចាត់មនុស្ស ៥ នាក់ទៅកាន់អគារ ដែលតារាស្រី Barbie Hsu រស់នៅ ហើយបានរង់ចាំនៅក្នុងបន្ទប់ទទួលភ្ញៀវ រួមទាំងប៉ូលីសពីរនាក់ មេធាវីម្នាក់ និងស្ត្រីម្នាក់ ដែលត្រូវបានគេនិយាយថា ជាមេដោះរបស់កូនៗទាំងពីរនាក់។ អ្នក​យក​ព័ត៌មាន​ម្នាក់ ​បាន​ធ្វើ​ការ​ជាមួយ​មេធាវី ហើយ​ត្រូវ​បាន​គេ​បញ្ជាក់​ថា​ បាន​ជួប Barbie Hsu ប៉ុន្តែ​នាង​មិន​បាន​ទទួល​ខ្លួននោះ​ទេ ហើយក្រុម​នេះ ​បាន​រង់​ចាំ​កន្លះ​ម៉ោង ​មុន​ពេល​ឡើង​ឡាន​រួច ​ចេញ​ទៅ។

យ៉ាងណាមិញ ក្នុង​បទ​សម្ភាស​ជាមួយ​សារព័ត៌មាន​ក្រោយ​មក លោក Wang Xiaofei ក៏បាន​សុំ​ទោស​ចំពោះ​ការ​បង្ក​សំឡេង​រំខាន និង​ធ្វើ​ឲ្យ​អ្នក​រាល់​គ្នា​ខ្ជះខ្ជាយ​ពេល​វេលា។ ហើយលោក​ក៏​បាន​បង្ហើប​ដែរ​ថា លោក​មិន​បាន​ទាក់ទង​អតីត​ភរិយា​អស់​រយៈពេល​ជាច្រើន​ខែ​មក​ហើយ ហើយ​មិន​អាច​ជួប​កូន​បាននោះទេ ដូច្នេះ​ហើយ​ទើប លោកត្រូវ​បង្ខំចិត្ត បញ្ជូន​មេធាវី និង​មេដោះ​ទៅ​ផ្ទះ​អតីត​ប្រពន្ធ​ដើម្បី​ទៅយក​កូន​ៗ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាចិន