HyunA ត្រូវគេសើចចំអក ក្រោយលក់អាល់ប៊ុមថ្មី ថ្ងៃខ្លះមិនបាន៦បន្ទះផង

កូរ៉េខាងត្បូង៖ ប្រិយមិត្តដែលគាំទ្រវិស័យចម្រៀង KPOP ប្រាកដជាបានស្គាល់ហើយថា HyunA គឺជាតារាចម្រៀងពូកែរ៉េបម្នាក់ ដែលធ្លាប់ទទួលបានប្រជាប្រិយភាពខ្លាំង និងល្បីដោយសារបទ "Change" ហើយនាងក៏ជាអតីតសមាជិកក្រុម 4minutes ផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប៉ុន្តែថ្មីៗនេះ កេរ្តិ៍ឈ្មោះរបស់នាង ហាក់ដុនដាបជាខ្លាំងក្រោយប្រកាសមានទំនាក់ទំនងគ្នាជាមួយនឹង តារាប្រុស Yong Jun Hyung ដែលធ្លាប់ជាសមាជិករបស់ក្រុម B2ST / Highlight ដោយសារតែតារាប្រុសរូបនេះធ្លាប់ជាប់ពាក់ព័ន្ធនឹងរឿងអាស្រូវក្លិប Burning Sun ។

បើទោះបីជាតារាប្រុសរូបនេះចូលសិល្បៈនិងបានសុំទោសហើយក្ដី តែប្រជាជនកូរ៉េក៏ដូចជាអ្នកគាំទ្រនៅតែមិនពេញចិត្តព្រោះគេជាសមាជិកម្នាក់ក្នុងក្រុមជជែក Group Chat ដែលបានថតវីដេអូមិនសមរម្យរបស់មនុស្សស្រីនៅក្នុងក្លឹបដោយគ្មានការអនុញ្ញាត។

ដូច្នេះហើយទើប HyunA ត្រូវបានអ្នកគាំទ្រតោះតើយដាក់ដោយជាក់ស្ដែង ក្រោយចេញអាល់ប៊ុមថ្មីមានឈ្មោះថា "Attitude" គឺការលក់អាល់ប៊ុមបានធ្លាក់ចុះជាខ្លាំងសម្រាប់រយៈពេលជិតមួយសប្តាហ៍មកនេះ។

យោងតាម Korean Sales បានឲ្យដឹងថា ថ្ងៃទី១ នាងលក់បាន ១,០៤០៥ អាល់ប៊ុម, ថ្ងៃទី២លក់បាន ២,៣១៥ អាល់ប៊ុម, ថ្ងៃទី៣លក់បាន ៥អាល់ប៊ុម, ថ្ងៃទី៤លក់បាន ៨អាល់ប៊ុម, ថ្ងៃទី៥លក់បាន ១៩អាល់ប៊ុម និងថ្ងៃទី៦លក់បាន ៤៨៤ អាល់ប៊ុម។

គេសង្កេតឃើញថាការលក់នាថ្ងៃទី៣និងទី៤ ពិតជាមិនគួរឲ្យជឿដោយលក់បានតែ ៥ និង ៨អាល់ប៊ុមប៉ុណ្ណោះក្នុងមួយថ្ងៃ ដែលជាតួលេខមួយធ្លាក់ចុះខ្លាំង ដែលធ្វើឲ្យមានគេសើចចំអកនាង ថា មកពីនាងទាក់ទងបុរសដែលធ្លាប់ប្រមាថលើមនុស្សស្រី ទើបគ្មានអ្នកគាំទ្រចាំគាំទ្រទៀត៕  

[HT] HyunA (@ATAREAOFFICIAL) 9th Mini Album <Attitude>

DAY 1: 10,405
DAY 2: 02,315
DAY 3: 00,005
DAY 4: 00,008
DAY 5: 00,019
DAY 6: 00,484

TOTAL: 13,236 #HyunA #현아 pic.twitter.com/BxPhNJgVlH

— KOREAN SALES (@koreansales_twt) May 7, 2024

ប្រភព៖: koreaboo

• រូបភាព
• តារាកូរ៉េ