ម្ដងនេះ Jennifer Lopez ចេញកម្សាន្តជាមួយកូនស្រី យ៉ាងមានក្ដីសុខ

កម្សាន្ត៖ តារាចម្រៀង Jennifer Lopez និងកូនស្រីវ័យ ១៦ ឆ្នាំ Emme បានទៅទស្សនាសារមន្ទីរ Louvre កាលពីថ្ងៃទី ៩ ខែឧសភា ក្នុងអំឡុងពេលធ្វើដំណើរទៅកាន់រដ្ឋធានី ប្រទេសបារាំង។

ម្តាយ​និង​កូន​ស្រីមួយគូនេះ ​ត្រូវ​បាន​គេ​ឃើញ​កាន់​ដៃ​គ្នា​ យ៉ាង​ស្និទ្ធស្នាល និង​ញញឹម​យ៉ាង​ភ្លឺ​ស្វាង ពេល​ពួក​គេ​ ដើរ​នៅ​ខាង​ក្រៅ​សារមន្ទីរ។ តាមរយៈរូបភាពដែលបានបង្ហាញឡើង Jennifer Lopez បានតុបតែងខ្លួន ស្លៀកខោខូវប៊យ អាវស និងអាវក្រៅវែង ដៃកាន់កាបូបម៉ាកល្បី និងបានជ្រើសរើសស្បែកជើងប៉ាតាសម្រាប់ដំណើរកម្សាន្តដ៏ងាយស្រួល ទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តារាចម្រៀងស្រី Jennifer Lopez និងកូនស្រី Emme ក៏បានដើរលេង នៅទីក្រុងប៉ារីស បន្ទាប់មក ទទួលទានអាហារពេលល្ងាចនៅភោជនីយដ្ឋានប្រណីតមួយកន្លែង។ ហើយព្រឹក​ឡើង​ ម្តាយ​និង​កូន​ស្រី ​បន្ត​ដើរ​លេង​ដើរ​ផ្សារ​ជាមួយ​គ្នា​យ៉ាង​រីករាយ ខណៈដែលបងប្អូនប្រុសភ្លោះរបស់ Emme គឺ Max មិនបានមានវត្តមាន ក្នុងដំណើរកម្សាន្តនេះ នោះទេ។

គួររំឮកផងដែរថា តារាចម្រៀងស្រី Jennifer Lopez មានកូនពីរនាក់ជាមួយអតីតស្វាមី តារាចម្រៀង Marc Anthony ខណៈបច្ចុប្បន្ន កូនភ្លោះទាំងពីរ​នេះ បានរស់នៅជាមួយនឹង Jennifer និងស្វាមីថ្មីរបស់នាង គឺតារាសម្តែង Ben Affleck ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ