អាល់ប៊ុមថ្មី? គេសង្ស័យ សមាជិកទាំង៤របស់ BLACKPINK កំពុងថតអ្វីមួយជុំគ្នា

កូរ៉េខាងត្បូង៖ ពិតណាស់ ទោះសមាជិកទាំង៤របស់ BLACKPINK សម្រេចចិត្តមិនបន្តកុងត្រាថ្មីជាមួយនឹងផលិតកម្ម YG Entertainment ក្ដីក៏សកម្មភាពជាក្រុមរបស់ពួកគេនៅតែរក្សាក្រោមផលិតកម្មនេះដដែល។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ក្រោយចេញបទ Shut Down រួចមក BLACKPINK ក៏បានបំបែកគ្នាទៅផ្ដោតលើសកម្មភាពទោលរៀងៗខ្លួន តែថ្មីៗនេះ មានតម្រុយមួយអាចបញ្ជាក់ថាសមាជិកទាំង៤អាចនឹងកំពុងថតអ្វីមួយជុំគ្នានៅកូរ៉េ។

ជាក់ស្ដែងយោងតាមការបង្ហោះរូបភាពរបស់លោក Choi Yujin ដែលជាអ្នកដឹកនាំថតរបស់ពួកគេ គឺលោកបាននៅជាមួយក្រុមការងារថតនៅកណ្ដាលភ្លៀងធ្លាក់ ដោយក្នុងនោះមានអ្នកផាត់មុខរបស់ BLACKPINK គឺMaeng ក៏បានបង្ហោះរូបភាពថានាងកំពុងនៅកន្លែងថតផងដែរ ខណៈដែលក្រុមការងារផ្សេងៗក៏បានបង្ហោះរូបភាពពីការថតនៅកណ្ដាលភ្លៀងធ្លាក់នេះដូចគ្នា។

ដូច្នេះហើយទើបអ្នកគាំទ្រសង្ស័យថា អាចនឹងមានការថតអ្វីមួយសម្រាប់សមាជិកទាំង៤ តែយ៉ាងណាមិញ យើងនឹងចាំតាមដានបន្តទៀត៕

ប្រភព៖: koreaboo

• រូបភាព
• តារាកូរ៉េ