ផ្អែមអ្វីម៉្លេះ មិត្តប្រុស Taylor ទៅគាំទ្រនាង ដល់ខនសឺតនៅប៉ារីស

បារាំង៖ ដូចដែលប្រិយមិត្តបានជ្រាបហើយថា តាំងពីតារាចម្រៀងផប Taylor Swift ទាក់ទងគ្នាជាមួយនឹងកីឡាករបាល់ឱប Travis Kelce មកគឺពួកគេតែងតែចេញមកគាំទ្រលើកទឹកចិត្តគ្នាទៅវិញទៅមក មិនថានៅទីលានប្រកួត ឬនៅក្នុងសាលប្រគុំតន្ត្រីទេ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង កាលពីយប់ថ្ងៃទី១២ខែឧសភាកន្លងទៅនេះ Travis Kelce ត្រូវបានប្រទះឃើញស្រែកហ៊ោអបអរមិត្តស្រី Taylor ដែលកំពុងសម្ដែងនៅលើឆាកតន្ត្រី ក្នុងការប្រគុំតន្ត្រី "The Eras Tour" នៅឯទីក្រុងប៉ារីស ប្រទេសបារាំង។

Travis បានច្រៀងតាមនូវបទ "Lover" ដែលជាបទផ្អែមល្ហែមរៀបរាប់ពីស្នេហាជ្រាលជ្រៅនារីម្នាក់ទៅលើបុរសជាសង្សារ ខណៈដែលរូបគេក៏បានមកជាមួយនឹង Gigi Hadid និងមិត្តប្រុសរបស់នាង Bradley Cooper ផងដែរ។ ទង្វើរបស់ Travis Kelce បានធ្វើឲ្យអ្នកគាំទ្រមានការរំភើបខ្លាំង ព្រោះតារាប្រុសម្នាក់នេះតែងតែបង្ហាញក្ដីស្រលាញ់ក៏ដូចជាគាំទ្រមិត្តស្រីចេញមុខចេញមាត់ជានិច្ច៕  

ប្រភព៖: pagesix

• រូបភាព
• តារាអន្តរជាតិ