គូស្នេហ៍ Selena ស្រាប់តែបង្ហើបពីគម្រោងអនាគត របស់ពួកគេ ក្រោយទាក់ទងគ្នាពីឆ្នាំមុន

អាមេរិក៖ លោក Benny Blanco ដែលជាផលិតករ និងជាគូស្នេហ៍របស់តារាចម្រៀងស្រីល្បីឈ្មោះ Selena Gomez នោះបានបង្ហើបពីគម្រោងអនាគតថា លោកពិតជាកំពុងគិតគូពីការចាប់ផ្ដើមគ្រួសារជាមួយតារាស្រីម្នាក់នេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ពិតណាស់ តាំងពីប្រកាសទាក់ទងគ្នាកាលពីចុងឆ្នាំ២០២៣មក គេឃើញថា ទំនាក់ទំនងរបស់អ្នកទាំងពីរពិតជាស្អិតរមួតខ្លាំងណាស់ ដោយជារឿយៗ Selena តែងតែបង្ហោះរូបភាពផ្អែមល្ហែមរបស់ពួកគេហើយ Benny ក៏ចូលចិត្តធ្វើម្ហូបជាច្រើនយកចិត្តនាងផងដែរ។

យ៉ាងណាមិញ ពេលបង្ហាញខ្លួនក្នុងកម្មវិធី "The Howard Stern Show" គឺ Benny បានសារភាពថាលោកបានគិតពីការចាប់ផ្ដើមគ្រួសារជាមួយ Selena និងចង់ឲ្យពួកគេមានកូនទៀតផង ហើយពួកគេពិតជាចុះសម្រុងគ្នាខ្លាំង ដោយនាងធ្វើឱ្យលោក​​​រីករាយជារៀង​​រាល់​​ថ្ងៃ៕  

ប្រភព៖: pagesix

• រូបភាព
• តារាអន្តរជាតិ