កាន់តែស្វីតទៅៗហើយ Taylor បណ្ដើរគូស្នេហ៍ទៅញ៉ាំអាហារពេលល្ងាច យ៉ាងរ៉ូមេនទិក

អាមេរិក៖ ទំនាក់ទំនងរវាងតារាចម្រៀងផប Taylor Swift ជាមួយនឹងកីឡាករបាល់ឱប Travis Kelce ពិតជាមានភាពរលូននិងផ្អែមល្ហែមខ្លាំងណាស់ ដោយជារឿយៗគេឃើញថា អ្នកទាំងពីរតែងតែចេញមកបណ្ដើរគ្នា ឬលើកទឹកចិត្តគ្នាទៅវិញទៅមក។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗនេះ Travis ក៏ទើបតែមកលើកទឹកចិត្តមិត្តស្រីក្នុងការប្រគុំតន្ត្រី "The Eras Tour" នៅឯទីក្រុងប៉ារីស ប្រទេសបារាំង ផងដែរ។

យ៉ាងណាមិញ ក្រោយចប់ការប្រគុំតន្ត្រី Travis ត្រូវបានគេឃើញថាបានបណ្ដើរ Taylor ទៅដល់អ៊ីតាលីឯណោះ ដោយអ្នកទាំងពីរបានទទួលទានអាហារពេលល្ងាចយ៉ាងផ្អែមល្ហែមនៅឯបឹង ខូម៉ូ (Lake Como)នៅពីមុខ​​ភូមិគ្រឹះបុរាណមួយ​​​ ដែលមានតែតុពួកគេប៉ុណ្ណោះ។

ក្នុងនោះ Taylor បានអាវខ្មៅនិងខោជើងវែងពណ៌ខ្មៅ គ្របពីលើដោយអាវរងាវែងដល់កជើងពណ៌ខ្មៅដែរ ហើយ Travis ស្លៀកខោខ្មៅនិងអាវដៃវែងរលុងៗពណ៌ស មើលទៅសាមញ្ញៗ៕  

ប្រភព៖: pagesix

• រូបភាព
• តារាអន្តរជាតិ