មើលគម្រូរៀមច្បងផង! Tiffany ក្រុម Girl's Generation រិះគ»-ន់តារា KPOP ជំនាន់ក្រោយថាខ្ជិ»-លរាំខ្លាំង

កូរ៉េខាងត្បូង៖ ទោះបីចែកផ្លូវគ្នាជាមួយផលិតកម្ម SM Entertainment ក្ដីក៏ Tiffany នៅតែជាសមាជិករបស់ក្រុមចម្រៀងនារី Girls' Generation ហើយនាងទើបតែបានចេញមករួមក្រុមវិញកាលពីឆ្នាំ២០២២ ជាមួយនឹងបទ "Forever 1" ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ពិតណាស់ នាងមានបទពិសោធទាំងរាំនិងច្រៀងនៅលើឆាកតន្ត្រី អស់រយៈពេល១៥ឆ្នាំជាងមកហើយ ទើបចាត់ទុកថាជារៀមច្បងម្នាក់ក្នុងវិស័យចម្រៀង KPOP ហើយកាលពីមុន នាងបានទម្លាយថា ទាំងនាងនិងតារា KPOP ផ្សេងៗ គឺសុទ្ធតែខិតខំប្រឹងប្រែងទាំងការរាំនិងច្រៀង មិនថាពេលច្រៀង Live នៅលើឆាក ឬពេលឡើងហាត់សមនោះឡើយ។

ថ្មីៗនេះ ពេលចូលរួមក្នុងកម្មវិធី "Radio Star" គឺ Tiffany បានបង្ហាញពីចម្ងល់ក៏ដូចជាការខកចិត្តដែល តារា KPOP ជំនាន់ក្រោយៗនេះមិនសូវខំប្រឹងបញ្ចេញទេពកោសល្យសោះ និងមើលទៅខ្ជិលរាំខ្លាំងណាស់។ នាងបានទម្លាយថា៖

ខ្ញុំបានទៅចូលរួមសម្ដែងនៅកម្មវិធីប្រគុំតន្ត្រីជាលើកដំបូង បន្ទាប់ពីខកខនអស់មួយរយ:ធំ ដោយសារតែជាឆ្នាំទី១៥ដែល Girls' Generation បានបង្ហាញមុខ។ ពួកយើងបានរាំនិងខិតខំប្រឹងប្រែងខ្លាំងណាស់ បើទោះជាកាំមេរ៉ានៅឆ្ងាយក៏ដោយ ព្រោះពួកយើងចង់មានភាពលេចធ្លោ ទោះជារាំនៅក្រោយឆាកក្ដី។ ប៉ុន្តែឥឡូវនេះ មានការថតវីដេអូពីអ្នកគាំទ្របែបជាលក្ខណៈតារាទោលៗ (Fancam) ដូច្នេះហើយទើបតារាផ្សេងទៀតមានភាពខ្ជិលច្រអូស។ នៅពេលខ្ញុំឃើញហើយ ខ្ញុំគិតថា ក្មេងៗទាំងនេះពិតជាខ្ជិលច្រអូសដល់ហើយ ហេតុអីបានពួកគេរាំមិនអស់ពីខ្លួនអ៊ីចឹង? ដូច្នេះខ្ញុំគិតថាពួកគេគ្រាន់តែរាំបែបសមសំឡេងប៉ុន្តែពេលសមសំឡេងក៏ដោយ ក៏អ្នកត្រូវតែប្រាកដចិត្តថាទាំងការដកដង្ហើមនិងកាយវិការគឺត្រូវតែល្អ។ មានរឿងថ្មីៗច្រើនណាស់ដែលខ្ញុំបានប្រទះចួប ហើយខ្ញុំគិតថាតារាឥឡូវៗរាងខ្ជិលជាងមុន។

Tiffany

ប្រភព៖: allkpop

រូបភាព

តារាកូរ៉េ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

មើលគម្រូរៀមច្បងផង! Tiffany ក្រុម Girl's Generation រិះគ»-ន់តារា KPOP ជំនាន់ក្រោយថាខ្ជិ»-លរាំខ្លាំង

In Case You Missed It