សង្សារចាស់ចាប់ដៃគ្នាម្ដងទៀត? Lee Minho និង Suzy អាចនឹងជួបគ្នាក្នុងរឿងភាគថ្មី Positively yours

កម្សាន្ត៖ កាលពីថ្មីៗនេះ មានប្រភពមួយបានទម្លាយថា តារាសម្ដែងប្រុសស្រីដែលជាអតីតគូស្នេហ៍ Lee Minho និង Bae Suzy អាចនឹងចាប់ដៃគ្នា សម្ដែងក្នុងរឿងភាគថ្មី​ ចំណងជើង Positively Yours។ ដំណឹងនេះផងដែរ បានធ្វើឲ្យកក្រើកអ្នកលេងបណ្ដាញសង្គម នាំគ្នាទន្ទឹងរងចាំថា វាពិតឬមិនពិត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួរបញ្ជាក់ផងដែរថា​ តារាសម្ដែងប្រុសរូបសង្ហារ Lee Minho ធ្លាប់បានបង្កើតចំណងស្នេហាជាមួយនឹង តារាសម្ដែងស្រីរូបស្រស់ Suzy កាលពីឆ្នាំ 2015 ហើយពួកគេបានសាងទំនាក់ទំនងអស់រយៈពេល 2 ឆ្នាំ ហើយក៏បានចែកផ្លូវគ្នានៅឆ្នាំ 2017 ដោយសារមានការងាររវល់រៀងខ្លួន។

ដោយឡែក អ្នកគាំទ្រនៅមិនទាន់អស់ចិត្តនៅឡើយនោះទេ ដោយពួកគេសង្ឃឹមថា ថ្ងៃណាមួយនឹងឃើញ តារាមួយគូនេះ ត្រឡប់មករាប់អានគ្នា ឬទាក់ទងគ្នាម្ដងទៀតកាន់តែល្អ។ យ៉ាងណាមិញ ព័ត៌មានដែលថា Lee Minho និង Bae Suzy អាចនឹងសម្ដែងរួមគ្នានេះ​ គ្រាន់តែជាពាក្យចចាមអារាមប៉ុណ្នោះ៕

ប្រភព៖ K-Crush

• រូបភាព
• តារាកូរ៉េ