Taylor Swift ទៅផ្អែមជាមួយមិត្តប្រុសលើទូកដល់ អ៊ីតាលី

អ៊ីតាលី៖ អស់រយៈពេលជិតមួយឆ្នាំហើយដែល Taylor Swift ទាក់ទងគ្នាជាមួយនឹងកីឡាករបាល់ឱប Travis Kelce ដែលជារឿយៗ អ្នកទាំងពីរតែងតែចេញមកបង្ហាញភាពផ្អែមល្ហែម គឺតែងតែទៅលើកទឹកចិត្តគ្នាមិនថានៅកីឡដ្ឋាន ឬនៅការប្រគុំតន្ត្រីទេ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗនេះ Taylor បានដឹកដៃមិត្តប្រុសទៅកម្សាន្តនៅបឹងខូម៉ូ ឯប្រទេសអ៊ីតាលី ដោយត្រូវបានគេប្រទះឃើញថាបានទទួលទានអាហារពេលល្ងាចដ៏រ៉ូមេនទិកជាមួយគ្នា។

យ៉ាងណាមិញ ឥឡូវនេះរូបភាពពីការកម្សាន្តនៅលើទូករបស់ពួកគេត្រូវបានចែកចាយពេញបណ្ដាញសង្គម ដោយគេបានឃើញអ្នកទាំងពីរថតរូបគូស្នេហ៍ជាមួយគ្នានៅលើទូក ដោយ Travis បានឱបចង្កេះ Taylor ហើយនាងបានផ្ដេកក្បាលទៅលើគេ។

មយនពេលឡើងទូក ទាំង Taylor និង Travis ក៏បានឱបថើបនិងផ្អែមល្ហែមជាមួយគ្នា នៅលើទូកនោះផងដែរ ដោយ Taylor បានស្លៀករ៉ូបពណ៌ខ្មៅសម្រុងត្រឹមជង្គង់ ហើយ Travis វិញពាក់អាវក្រឡាការ៉ូ និងខោខ្មៅ៕  

ប្រភព៖: pagesix

• រូបភាព
• តារាអន្តរជាតិ