Song Joong Ki បានធ្វើរឿងមួយនេះ ដើម្បីការពារភរិយា និងកូនប្រុស

កម្សាន្ត៖ តារា​សម្ដែង លោក Song Joong Ki បានបង្ហាញសកម្មភាពដ៏គួរឲ្យចាប់អារម្មណ៍ ដោយបាន​ប្រើ​ដៃ​ទប់​កាមេរ៉ា ដើម្បី​កុំ​ឲ្យ​អ្នក​ធ្វើ​ដំណើរ​ អាច​ថត​រូប​ប្រពន្ធ​ និងកូន​របស់ខ្លួនបាន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងតាម ​​ប្រភព163 បានបង្ហាញថា គ្រួសាររបស់ លោក Song Joong Ki បានដើរលេងក្នុងសួន ក្នុងប្រទេសកូរ៉េ កាលពីថ្ងៃទី ១៧ ឧសភាកន្លងទៅនេះ។ អ្នកខ្លះ​ដែលបានស្គាល់​តារាប្រុសរូបនេះ ​និង​ប្រពន្ធ ក៏បានសុំ​ថតរូប​ ខណៈដែល Song Joong Ki បានបង្ហាញភាពរួសរាយរាក់ទាក់ ស្វាគមន៍គ្រប់គ្នា ហើយសុខចិត្តថតរូបជាមួយពួកគេ ប៉ុន្តែ លោកបានលើកដៃឡើង បិទកញ្ចក់នៅពេលមនុស្សព្យាយាមថតរូបប្រពន្ធកូន។

បន្ទាប់​មក តារាប្រុសរូបនេះ ក៏​បាន​ក្រាប​ឱនគោរព ​ក្រុមអ្នកគាំទ្រ ដោយ​អាកប្បកិរិយា​រាក់ទាក់ ផងដែរ។ គួរបញ្ជាក់ផងដែរថា បច្ចុប្បន្នគ្រួសាររបស់ លោក Song Joong Ki កំពុងស្ថិតនៅក្នុងប្រទេសកូរ៉េ ហើយ តារារូបនេះ បាននាំភរិយា និងកូនត្រឡប់មកស្រុកកំណើតវិញកាលពីដើមឆ្នាំ ដើម្បីចូលរួមសកម្មភាពសិល្បៈជាច្រើននៅប្រទេសកូរ៉េ ផងដែរ៕

ប្រភព​៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាកូរ៉េ