មើលរូបភាពទាំងនេះហើយ Yaya និងគូស្នេហ៍ កាន់តែផ្អែមល្ហែម

ថៃ៖ ថ្មីៗនេះ តារាសម្ដែងស្រី Yaya Urassaya និងគូស្នេហ៍ លោក Nadech បានបង្ហាញ​រូបភាព​ជា​ច្រើន​សន្លឹក​ជាមួយ​គ្នា ខណៈមាន​ពាក្យ​ចចាមអារ៉ាមថា ​គូស្នេហ៍​មួយគូនេះបានបែកគ្នា ដោយ​ស្ងៀមស្ងាត់​។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អាចនិយាយបានថា សម្រាប់ Yaya និង​ Nadech គឺមិន​សូវ​មាន​ភាព​ផ្អែម​ល្ហែម នៅ​ក្នុង​បណ្តាញ​សារព័ត៌មាន​ប៉ុន្មាន​ទេ​ព្រោះ​អ្នក​ទាំង​ពីរ​ មាន​ការងារ​មមាញឹក​រៀងខ្លួន ដែលនេះ​ជា​ប្រភព​នៃ​ពាក្យ​ចចាម​អារ៉ាម លើកឡើងពីគូស្នេហ៍មួយគូនេះ ថាបាន​បែក​គ្នា​ស្ងាត់ៗ ជាពិសេស ស្រប​ពេលដែល​មាន​ព័ត៌មាន​ថា ​អ្នក​ទាំង​ពីរ​បានប្រកាស​ពន្យារ​ពេល​រៀប​ការ​​ ទៀតផង។

ប៉ុន្តែ​ រូបភាពថ្មី​ចុង​ក្រោយ​របស់ គូស្នេហ៍ Yaya និង Nadech បានបង្ហាញពីពេលវេលាដ៏រ៉ូមែនទិក ពេលញ៉ាំអាហារពេលល្ងាចជាមួយគ្នា ពោរពេញដោយភាពផ្អែមល្ហែម និងត្រូវបានបង្ហោះនៅលើ Instagram របស់អ្នកទាំងពីរ ដែលធ្វើឲ្យហ្វេនៗកាន់តែសប្បាយរីករាយ ផងដែរ៕

ប្រភព៖ Sanook

សូមទស្សនារូបភាពខាងក្រោម៖ 

• រូបភាព
• តារាថៃ