ចេញមកម្ដងនេះ Jennifer Lopez ឡើងស្រស់ស្អាត តែបែរជា...

បរទេស៖ តារាចម្រៀងស្រី Jennifer Lopez បានបង្ហាញវត្តមាន ពេលទៅចាក់បញ្ចាំងរឿងថ្មីរបស់ខ្លួន នៅថ្ងៃទី ២០ ខែឧសភា ដោយគ្មានវត្តមានស្វាមី លោក Ben Affleck ដែលជំរុញឱ្យមានសង្ស័យបន្ថែមទៀតថា អាពាហ៍ពិពាហ៍របស់តារាស្រីរូបនេះ ត្រូវបានបែកបាក់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តារាចម្រៀងស្រីវ័យ ៥៤ ឆ្នាំរូបនេះ បានថតរូបនៅលើកំរាលព្រំក្រហមនៃរោងកុនហូលីវូដ ជាមួយសហការី និងអ្នកដឹកនាំរឿង Brad Peyton ដោយនាង​បាន​បង្ហាញ​ខ្លួន​យ៉ាង​ស្រស់​ស្អាត ហើយ​តែង​តែ​ញញឹម​យ៉ាង​ភ្លឺ​ស្វាង​នៅ​មុខ​កាមេរ៉ា។ ជាពិសេស តារាចម្រៀងស្រី Jennifer នៅតែពាក់ចិញ្ចៀនអាពាហ៍ពិពាហ៍ នៅលើម្រាមដៃនាងខាងឆ្វេង។

យ៉ាងណាមិញ អវត្តមានរបស់ស្វាមី Jennifer Lopez គឺតារាសម្តែង Ben Affleck នៅក្នុងព្រឹត្តិការណ៍នេះ បានធ្វើឱ្យមានការសង្ស័យបន្ថែមទៀតថា គូស្វាមីភរិយាតារាមួយគូនេះ កំពុងមានបញ្ហាផ្លូវចិត្ត ហើយ​អំឡុង​ពេល​ពីរ​ខែ​កន្លង​មក​នេះ ពួក​គេ​តែង​តែ​នៅ​ម្នាក់​ឯង​នៅ​លើ​កម្រាល​ព្រំ​ក្រហម ឬ​កម្មវិធីផ្សេងៗ។ ខណៈកាលពីមុន ពួកគេទាំងពីរតែងតែគាំទ្រគ្នាទៅវិញទៅមក ក្នុងព្រឹត្តិការណ៍សំខាន់ៗ ផងដែរ៕ 

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ