ចិន៖ ដូចដែលប្រិយមិត្តបានជ្រាបហើយថា Seungri (ឈ្មោះពិត Lee Seung Hyun) ដែលជាអតីតសមាជិក Big Bang ធ្លាប់បានជាប់ពន្ធនាគារទាក់ទងនឹងរឿងក្ដីក្លិប Burning Sun ដែលបានដាក់ថ្នាំនិងបំពានទៅលើរាងកាយមនុស្សស្រីដែលជាភ្ញៀវ ដោយពុំមានការអនុញ្ញាត ដែលរឿងក្ដីនេះពិតជាល្បីល្បាញណាស់នៅប្រទេសកូរ៉េខាងត្បូង។
![](https://s9.kh1.co/d3/d3c408fb13819ffbc120e1ece501f47d4539b1ca.png)
យ៉ាងណាមិញ ថ្វីត្បិតរូបគេបានចេញពីពន្ធនាគារហើយក្ដី ក៏ប៉ុន្តែ Seungri ត្រូវបានប្រជាជនកូរ៉េមានការស្អប់ខ្ពើមគេជាខ្លាំង និងគិតថាគេនាំភាពអាប់យសមកដល់ប្រទេសកូរ៉េ ដូច្នេះហើយទើបរូបគេតែងតែត្រូវបានប្រទះឃើញ ថាបានដើរទេសចរនៅបណ្ណាប្រទេសនៅអាស៊ីផ្សេងទៀត។
![](https://s9.kh1.co/e1/e196e056392f5d1d02cb4a2344a412ae64430962.png)
ថ្មីៗនេះ ក្រោយការទម្លាយវីដេអូឯកសារពាក់ព័ន្ធនឹងរឿងក្ដីក្លិប Burning Sun នេះគឺ មានម្ចាស់គណនី Weibo ម្នាក់បានចេញមុខមកចោទប្រកាន់ថាអតីតតារាប្រុសរូបនេះ បានជំពាក់លុយគេដល់ទៅជាង ២៥៨, ០០០ ដុល្លារអាមេរិក ដោយមិនព្រមអើពើនឹងសងសោះ ទោះបីជាម្ចាស់បំណុលបានទាក់ទងទៅក៏ដោយ។
![](https://s9.kh1.co/64/6498e5b326d8ce5d08ede1e85bf400eb026ae45c.png)
ក្នុងនោះ គណនីនោះបានបង្ហោះរូបភាពកិច្ចសន្យាដែលផ្ដិតមេដៃដោយ Seungri ដោយបកប្រែមកថា៖
កិច្ចព្រមព្រៀង
១. ខ្ញុំនឹងសងប្រាក់ទៅកាន់ (ឈ្មោះម្ចាស់បំណុល) ចំនួន ៣៥០លានវ៉ុន (ប្រហែល ២៥៨,០០០ដុល្លារ)។
២. ទាក់ទងនឹងរយៈពេលត្រូវសង នឹងមានការព្រមព្រៀងជាមួយគ្នាបន្ទាប់ពីពិភាក្សាគ្នារួច។
៣. ប៉ុន្តែបើសិនជាកិច្ចព្រមព្រៀងនេះធ្លាយចេញទៅខាងក្រៅ ខ្ញុំនឹងចាត់ទុកកិច្ចសន្យានេះជាមោឃៈ។
ហត្ថលេខដោយ Lee Seung Hyun
![](https://s9.kh1.co/2f/2f2316f6d19d3dbb44f0e4bc4e708f98e4764173.png)
កិច្ចសន្យានេះធ្វើឡើងកាលពីខែកញ្ញាឆ្នាំ២១៩ ពេល Seungri មិនទាន់ជាប់ឃុំ។ ក្នុងនោះម្ចាស់បំណុលបានបញ្ជាក់ថា ពួកគេអត់ឱនឲ្យ Seungri អំឡុងពេលគេជាប់ឃុំនិងចូលបំពេញកាតព្វកិច្ចយោធា ដោយសារតែទឹកចិត្ត។ ប៉ុន្តែរយៈពេលមួយឆ្នាំក្រោយចេញពីគុក អតីតតារាប្រុសរូបនេះនៅតែមិនព្រមសង និងមិនតបសាររបស់ពួកគេតាម Wechat ទាល់តែសោះ ដូច្នេះហើយទើបពួកគេសម្រេចចិត្តទម្លាយសារនេះចេញមកតែម្ដង ព្រោះដឹងថា Seungri មុខជាមិនព្រមសងទេ បើយោងតាមចរិតរបស់គេ។ យ៉ាងណាមិញ ម្ចាស់បំណុលសង្ឃឹមថា Seungri នឹងមានទំនួលខុសត្រូវហើយចេញមុខមកសងប្រាក់របស់ពួកគេ៕
![](https://s9.kh1.co/73/733bb997ccba7435fcbbdddeca163ebc989cb5eb.png)
![](https://s9.kh1.co/73/733bb997ccba7435fcbbdddeca163ebc989cb5eb.png)
![](https://s9.kh1.co/5d/5d9e16f1a99ebb7c8e2fdb5da2cec5cafd450e18.png)
ប្រភព៖: koreaboo
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]