ម៉ិចស៉ិច៖ Jennifer Lopez គឺជាតារាចម្រៀងដែលពូកែខាងបញ្ចេញក្បាច់រាំយ៉ាងរស់រវើក ហើយទោះលោកស្រីមានវ័យ៥៤ឆ្នាំក្ដៅ ក៏រាងកាយរបស់លោកស្រីនៅតែស្លីមស្រឡូន និងស្រស់ស្អាតជានិច្ច។
ថ្មីៗនេះ លេចឮព័ត៌មានថា ចំណងអាពាហ៍ពិពាហ៍របស់លោកស្រីជាមួយនឹងស្វាមី លោក Ben Affleck មានការរង្គោះរង្គើ ដោយគេសង្ស័យថាអ្នកទាំងពីរបានរស់នៅបែកផ្ទះគ្នា តែយ៉ាងណាមិញ លោកស្រីហាក់មិនខ្វល់ពីរឿងនេះឡើយ ដោយនៅបន្តបង្ហាញខ្លួនលើកម្រាលព្រំក្រហម ដើម្បីអបអរសាទរការបញ្ចាំងខ្សែភាពយន្ត "Atlas" នៅទីក្រុងម៉ិចស៉ិច។
ក្នុងនោះ យើងឃើញថា Jennifer Lopez បានជ្រើសរើសស្លៀករ៉ូបពណ៌ស ធ្វើពីសាច់ក្រណាត់ស្ដើងមានសាច់ក្រណាត់បែបផ្ទាំងៗបន្តគ្នា ជារ៉ូបបញ្ចេញគល់ទ្រូងនិងបង្ហាញភ្លៅស្រឡូន មើលទៅពិតជាស្រស់ស្អាតខ្លាំងណាស់ ឯសក់វិញក៏បួងឡើង ទម្លាក់សក់វែកមកខាងមុខ។ បន្ទាប់ពីបង្ហាញខ្លួននៅលើកម្រាលព្រំក្រហមក្នុងឈុតនេះ Jennifer Lopez បានទទួលការសរសើរជាខ្លាំងថាពិតជាស្រស់ស្អាត មើលទៅដូចក្មេងអាយុខ្ទង់សាមអ៊ីចឹង៕
ប្រភព៖: pagesix
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
