លេចឮថា Park Seo Joon កំពុងទាក់ទងគ្នាជាមួយនឹង តារាស្រីអាមេរិករូបនេះ

កូរ៉េខាងត្បូង៖ ផ្ទុះព័ត៌មានចចាមអារ៉ាមថា តារាសម្ដែងប្រុសដ៏ល្បីរបស់កូរ៉េខាងត្បូងគឺលោក Park Seo Joon ត្រូវបានគេរាយការណ៍ថា មានទំនាក់ទំនងស្នេហាជាមួយនឹងតារាស្រីអាមេរិក Lauren Tsai ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មុននឹងឈានដល់ការអះអាងបែបនេះ នាថ្ងៃទី២២ខែឧសភាកន្លងទៅ មានការជជែកវែកញែកថាតារាប្រុសរូបនេះបានទៅដើរលេងនៅជប៉ុនជាមួយនឹងនារីមិនស្គាល់អត្តសញ្ញាណម្នាក់ ប៉ុន្តែក្រោយមក ពួកគេក៏ស្គាល់ថានាងគឺតារាស្រី Lauren Tsai ដែលធ្លាប់បានចូលរួមសម្ដែង ក្នុងខ្សែភាពយន្ត "Terrace House" របស់ Netflix និងរឿង "Legion" របស់ Marvel ។

មានអ្នកគាំទ្រម្នាក់បានថតរូបពីក្រោយរបស់តារាប្រុសរូបនេះជាមួយនឹងសារថា ៖ "ថ្ងៃនេះ ខ្ញុំបានឃើញ Park Seo Joon។ ពួកយើងជាមនុស្សដែលបានឃើញនិងដឹងហើយអ្នកចាត់ការគេក៏ប្រាប់ឲ្យពួកយើងស្ងាត់។"

ដោយឡែកនៅក្នុងរូបភាពនេះ គេឃើញ Park Seo Joon បានដើរជាមួយនឹងនារីម្នាក់ស្លៀកពាក់ខ្មៅ ប៉ុន្តែមិនទាន់មានការចេញមកបញ្ជាក់ណាមួយទាក់ទងនឹងព័ត៌មានចចាមអារ៉ាមនេះទេ៕  

ប្រភព៖: allkpop

• រូបភាព
• តារាកូរ៉េ