សុខៗ ប៉ូលិសចូលទៅឆែ»-កឆេ»-រផ្ទះ តារាចម្រៀង Sean Kingston ម្ចាស់បទ «Beautiful Girls» ទាក់ទងនឹងករណី...

អាមេរិក៖ មានរឿងដ៏គួរឲ្យភ្ញាក់ផ្អើលមួយបានកើតឡើង ក្រោយផ្ទះរបស់តារាចម្រៀង Sean Kingston ជាម្ចាស់បទ "Beautiful Girls" ត្រូវបានប៉ូលិស SWAT ចូលទៅឆែកឆេរនាថ្ងៃទី២៣ ខែឩសភា ឆ្នាំ២០២៤ វេលាម៉ោង១រសៀល (ម៉ោងនៅអាមេរិក)។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អាជ្ញាធរប៉ូលិសប្រចាំរដ្ឋ ហ្វ្លរីដាភាគខាងត្បូង បានបញ្ជាក់ថា ប៉ូលិសបានចូលទៅចាប់ខ្លួនម្ដាយរបស់តារាចម្រៀងប្រុសរូបនេះនៅឯផ្ទះក្នុងរដ្ឋ ហ្វ្លរីដា ពាក់ព័ន្ធនឹងករណីឆបោក។

រូបភាពជាច្រើនសន្លឹកដែលថតបាននោះ គឺប៉ូលិសបានសម្រុកចូលទៅក្នុងផ្ទះវីឡាដ៏ធំរបស់តារាចម្រៀងប្រុសរូបនេះតែម្ដងប៉ុន្តែគេមិនដឹងថា តារាចម្រៀងប្រុសរូបនេះនៅផ្ទះ អំឡុងពេលប៉ូលិសចាប់ខ្លួនម្ដាយដែលមានអាយុ៦១ឆ្នាំរបស់គេនោះឡើយ។

បន្ទាប់ពីនោះ Sean Kingston បានចេញមកបញ្ជាក់ថាទាំងរូបគេនិងម្ដាយគ្មានគ្រោះថ្នាក់អ្វីទេ និងកំពុងឲ្យមេធាវីដំណើរការរឿងក្ដីមួយនេះ និងសុំឲ្យអ្នកគាំទ្រកុំមានការព្រួយបារម្ភ៕

ប្រភព៖: pagesix

• រូបភាព
• តារាអន្តរជាតិ