Justin កាន់តែបង្ហាញភាពផ្អែមល្ហែម ខណៈភរិយាកំពុងមានផ្ទៃពោះ

កម្សាន្ត៖ តារា​ចម្រៀង​លោក Justin Bieber បានទាញយកចំណាប់អារម្មណ៍ពីទស្សនិកជនជាច្រើន ក្រោយពីបាន​បង្ហោះ​រូបថត​ ជា​បន្តបន្ទាប់​របស់​ភរិយា Hailey បង្ហាញ​ពោះ​ធំ​របស់​នាង​ នៅ​លើ Instagram កាល​ពី​ថ្ងៃ​ទី ២៤ ខែ​ឧសភា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះដែរ លោក Justin បាន​និយាយ​ថា រូប​ថត​ទាំង​នោះ​ត្រូវ​បាន​ថត​ នៅពេលដែល លោក ​និង​ប្រពន្ធ​ បានស្លៀក​ពាក់​ទៅ​ក្រៅ​ពេល​យប់ និងថែមទាំងមានភាពផ្អែមល្ហែមជាមួយគ្នា ពោរពេញដោយក្ដីស្រលាញ់ទៀតផង។ ជាពិសេស Hailey បានបង្ហោះរូបថតស្វាមីរបស់នាងឡើងវិញ នៅលើ Instagram Story ជាមួយនឹងចំណងជើងថា «ម៉ាក់និងប៉ាពិតប្រាកដ» ។

នៅថ្ងៃដដែលនោះ តារាចម្រៀងប្រុសរូបនេះ បានបង្ហោះរូបថតជាច្រើនសន្លឹកទៀត របស់ភរិយាកំពុងប៉ះក្បាលពោះរបស់នាង ខណៈដែលមិត្តភ័ក្តិ និងអ្នកគាំទ្រ បានបញ្ចេញមតិជាច្រើន បង្ហាញពីក្ដីស្រឡាញ់ចំពោះពួកគេទាំងពីរ និងបានរង់ចាំសមាជិកថ្មីរបស់គូស្វាមីភរិយាមួយគូនេះ ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ