វ័យ៧៨មែនតែ Cher ចេញមកបង្អួតរាងស្រឡូន លើកម្រាលព្រំ ជាមួយ មិត្តប្រុសប្អូនដល់ទៅ៤០ឆ្នាំ

អាមេរិក៖ Cher គឺជាតារាចម្រៀងជើងចាស់របស់អាមេរិក ដែលមានអ្នកគាំទ្រមកពីជុំវិញពិភពលោក ហើយទោះមានវ័យ៧៨ឆ្នាំហើយក្ដី តែលោកស្រីនៅតែចូលចិត្តស្លៀកពាក់ឆើតឆាយ ផាត់មុខធ្វើសក់ខ្ញង់ៗ មើលទៅក្មេងជាងវ័យខ្លាំងណាស់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក កាលពីយប់ថ្ងៃទី២៤ខែឧសភាកន្លងទៅ លោកស្រីបានចេញមកបង្អួតរាងរៅស្រឡូនរបស់ខ្លួននៅលើកម្រាលព្រំក្រហម ក្នុងកម្មវិធីជប់លៀង amfAR Gala ជាមួយនឹងមិត្តប្រុសរបស់លោកស្រីឈ្មោះ Alexander "AE" Edwards ។

ក្នុងនោះ Cher បានស្លៀករ៉ូបពណ៌ខ្មៅសម្រុងវែងលុបដល់កជើង ដែលអាចមើលធ្លុះដល់ខាងក្នុង ដោយពាក់ពីលើដោយអាវរោមសត្វពណ៌ខ្មៅ មើលទៅដូចជានារីអភិជនអ៊ីចឹង ខណៈដែលមិត្តប្រុសរបស់លោកស្រីស្លៀកឈុតអាវធំពណ៌ខ្មៅ។ អ្នកទាំងពីរបានកាន់ដៃគ្នាឈរឲ្យអ្នកកាសែតថតនៅលើកម្រាលព្រំដោយថែមទាំងបានបញ្ចេញកាយវិការផ្អែមល្ហែម ដោយថើបគ្នាទៀតផង៕

ប្រភព៖: pagesix

• រូបភាព
• តារាអន្តរជាតិ