ថាមែនៗ ! Seungri កំពុងបើកក្លឹបនៅស្រុកខ្មែរ ទំនងចង់ដើរគន្លងចាស់ ខណៈករណីក្លឹប Burning Sun ផ្ទុះឡើងជាថ្មី

កម្សាន្ត៖ ខណៈកំពុងតែល្បីឡើងវិញនៅករណី Burning Sun ដែល Seungri គឺជាអតីតឧក្រិដ្ឋជនពាក់ព័ន្ធច្រើនករណីជាងគេ ដោយលោកបានជាប់ពន្ធនាគារចំនួន១ឆ្នាំកន្លះកាលពីឆ្នាំ២០២២កន្លងមកនេះ។ បច្ចុប្បន្ន រូបលោក បានមានសេរីភាព ដើរលេងសប្បាយហ៉ឺហា និង ថែមទាំងជាអ្នកធ្វើជំនួញម្នាក់ផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក មហាជនមិនទាន់អាចបំភ្លេចបាននូវទង្វើដ៏កខ្វក់របស់ Seungri នៅឡើយនោះទេ ស្របពេលវីដេអូឯកសាររបស់ BBC បានទម្លាយនូវ សកម្មភាពដ៏គួរឲ្យស្អប់របស់គេ។ ថ្មីៗនេះ តាមប្រភពពីកូរ៉េបានឲ្យដឹងថា Seungri ត្រៀមបេីក club នៅកម្ពុជា។

តាម​ប្រភព​ជិត​ស្និទ្ធ​គាត់​បាន​បញ្ចប់​ការ​ធានា​ការ​វិនិយោគ​ឱ្យ​ក្លឹប​រួច​ហើយ​ ។ នេះ​ជា​ការ​លើក​ទី​ពីរ​របស់​ Seungri ​ជាមួយ​នឹង​ឧស្សាហកម្ម​នេះ ពីមុន Seungri បានបើកក្លឹបមួយដែលមានឈ្មោះថា " Burning Sun " ដែលជាប់ពាក់ព័ន្ធក្នុងសកម្មភាពខុសច្បាប់ ដូចជាពេស្យាចារ និងការប្រើប្រាស់គ្រឿងញៀន"ករណី Burning Sun កំពុងតែគេលេីកយកមកនិយាយសារជាថ្មីដោយសារតែ BBC បញ្ចេញ documentary ទាក់ទងរឿងមួយនេះ ពេលនេះចេញពត៌មានមួយនេះទៀត។

មិនតែប៉ុណ្នោះ អតីតសមាជិកក្រុម BigBang រូបនេះ ថែមទាំងបានមកលេងក្លឹបកម្សាន្តមួយនូវក្នុងប្រទេសកម្ពុជាកាលពីពេលថ្មីៗកន្លងទៅនេះ ហើយហ៊ានបោះសម្ដីថា គេនឹងនាំ G-Dragon មកស្រុកខ្មែរឲ្យបានទៀតផង ដែលកាលនោះ ធ្វើឲ្យផ្ទុះការជជែកពេញបណ្ដាញសង្គមខ្មែរធ្លាយដល់បរទេស។ 

លើសពីនោះ គេឃើញមហាជនខ្មែរមួយចំនួនមានការត្រេកអរ និង ស្វាគមន៍ អតីតឧក្រិដ្ឋជននេះ យ៉ាងកក់ក្ដៅទៀតផង ហើយកាលនោះ ក៏មានតារារ៉េបខ្មែរគឺលោក ជី ដេវីត បានទៅស្វាគមន៍ហើយក៏ច្រៀងចម្រៀងជាមួយគ្នាយ៉ាងសប្បាយរីករាយ៕

ប្រភព៖ Koreaboo

• រូបភាព
• តារាកូរ៉េ