Lisa និង Frederic មកផ្អែមជាមួយគ្នាដល់លើទូក នៅម៉ូណាកូ

ម៉ូណាកូ៖ Lisa ដែលជាតារាចម្រៀងល្បីឈ្មោះប្រចាំក្រុមចម្រៀងនារី BLACKPINK គឺជាបុគ្គលដ៏មានឥទ្ធិពលនៅក្នុងវិស័យតន្ត្រី ហើយរាល់សកម្មភាពរបស់នាងមិនថាក្រោយឆាក ឬនៅលើឆាកតន្ត្រី គឺសុទ្ធតែទាក់ទាញការចាប់អារម្មណ៍ពីអ្នកគាំទ្រទាំងអស់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗនេះកាលពីយប់ថ្ងៃទី២៦ខែឧសភាកន្លងទៅ Lisa បានស្លៀកឈុតពណ៌មាសភ្លឺផ្លេកយ៉ាងស្រស់ស្អាត មានអាវនិងសំពត់ដាច់ចេញពីគ្នា មកចូលរួមពិធីជប់លៀងនៅលើទូកទំនើប Yatch នៅឯម៉ូណាកូ ដែលជាកម្មវិធីជប់លៀងរៀបចំឡើង ដោយក្រុមហ៊ុន TAG Heuer ដែលមានលោក Frederic Arnault ចូលរួម ដែលគេជាបុរសដែលសង្ស័យថាជាមិត្តប្រុសរបស់នាងផងដែរ។

ក្នុងនោះ Lisa ពិតជាសប្បាយរីករាយដោយបានឈរជជែកជាមួយមនុស្សជាច្រើន ហើយក្នុងវីដេអូមួយដែលត្រូវបានចែកចាយនោះ គេឃើញថា Lisa ហាក់ឈរចាំនិងរកមើល Frederic ហើយ Frederic ក៏ប្រញាប់ដើរមកជិតមុននឹងអ្នកទាំងអស់គ្នារាក់ទាក់អ្នកមកចូលរួម មើលទៅពិតជាគូស្នេហ៍ដ៏ផ្អែមល្ហែម៕  

• រូបភាព
• តារាកូរ៉េ