ទៅមើលការប្រគុំតន្ត្រីមែន តែ Gigi និងគូស្នេហ៍ចំណា»-ស់ នៅតែផ្អែមស្អិត

អាមេរិក៖ ទំនាក់ទំនងស្នេហារបស់តារាបង្ហាញម៉ូតស្រី Gigi Hadid និង លោក Bradley Coopers នៅតែបន្តភាពផ្អែមល្ហែម បើទោះបីជាអ្នកទាំងពីរមានវ័យខុសគ្នាដល់ទៅ២០ឆ្នាំ ក៏ដោយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង កាលពីពេលថ្មីៗទៅនេះ Gigi ត្រូវបានគេប្រទះឃើញមកចូលរួមការប្រគុំតន្ត្រី "BottleRock" នៅតំបន់ Napa រដ្ឋកាលីហ្វ័រញ៉ា ជាមួយនឹងគូស្នេហ៍ចំណាស់រូបនេះ ដោយពួកគេបានរាំជាមួយគ្នាយ៉ាងសប្បាយរីករាយ។

ក្នុងវីដេអូដែលថតដោយអ្នកគាំទ្រនោះ គេបានឃើញ Gigi ស្លៀកខោពណ៌ខ្មៅនិងអាវដៃវែងពណ៌សព្រមជាមួយមួកកាតឹបពណ៌ផ្ទៃមេឃស្រាល មើលទៅពិតជាស្រស់ស្អាតខណៈលោក Bradley បានពាក់អាវយឺតពណ៌ស និងខោខ្មៅធម្មតា។

គួរបញ្ជាក់ផងដែរថា Gigi Hadid និង Bradley Coopers បានទាក់ទងគ្នានាអំឡុងខែតុលាឆ្នាំ២០២៣ និងបានចេញបណ្ដើរគ្នាយ៉ាងផ្អែមល្ហែមជារឿយៗ ដោយកាលពីពេលថ្មីៗនេះ Gigi បាននាំគូស្នេហ៍ទៅចូលរួមការប្រគុំតន្ត្រី "The Eras Tour" របស់ Taylor Swift នៅឯទីក្រុងប៉ារីស ប្រទេសបារាំងទៀតផង៕

ប្រភព៖: pagesix

• រូបភាព
• តារាអន្តរជាតិ