ទា»-រក​៦​នាក់​បានបា»-ត់បង់ជី»-វិត ខណៈមានអគ្គិភ័យ​ឆាបឆេះ​ នៅ​មន្ទីរពេទ្យ​កុមារ ​ក្នុងប្រទេសឥណ្ឌា

ឥណ្ឌា៖ យ៉ាងហោចណាស់ទារកទើបនឹងកើត ៦ នាក់បានស្លាប់នៅក្នុងអគ្គីភ័យ ដែលបានឆាបឆេះនៅមន្ទីរពេទ្យកុមារក្នុងទីក្រុង New Delhi ប្រទេសឥណ្ឌាកាលពីល្ងាចថ្ងៃទី ២៥ ខែឧសភា បើយោងតាមការចេញផ្សាយ គេហទំព័រព័ត៌មាន NDTV បានរាយការណ៍។

ក្រុមពន្លត់អគ្គីភ័យរបស់ទីក្រុង Delhi បានប្រាប់ NDTV ថា វាត្រូវបានជូនដំណឹងដល់អគ្គីភ័យនៅមជ្ឈមណ្ឌលថែទាំទារកក្នុងតំបន់ Vivek Vihar នៅ​​ភាគខាង​​​កើតនៃ​ទីក្រុង នៅម៉ោង ១១ ៣២នាទីយប់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តាមប្រភពដដែលបានបញ្ជាក់ទៀតថា ទារកទើបនឹងកើតចំនួន ១២ នាក់ត្រូវបានជួយសង្គ្រោះពីជាន់ទីមួយនៃអគារ។ ពួកគេត្រូវបានបញ្ជូនទៅមន្ទីរពេទ្យ East Delhi Advance NICU នេះបើយោងតាមកាសែត The Times of India ។

នៅក្នុងការបង្ហោះនៅលើ X ទីភ្នាក់ងារសារព័ត៌មានឥណ្ឌា Asian News International បានដកស្រង់សម្តីរដ្ឋមន្ត្រីសុខាភិបាលក្រុង Delhi លោក Saurabh Bharadwaj ដែលនិយាយថា ជាអកុសល ក្នុងហេតុការណ៍អគ្គីភ័យមួយនេះ ទារកទើបនឹងកើតចំនួន ៦ នាក់បានថប់ដង្ហើម ស្លាប់ ហើយម្នាក់កំពុងស្ថិតក្នុងស្ថានភាពធ្ងន់ធ្ងរ៕

ប្រភព៖ straitstimes