លំដាប់ ចាង ស៊ីប៊ីយុ ហើយ នៅត្រូវសន្តិសុខស្រីនៅកាន ធ្វើបែបនេះដាក់ទៀត

បារាំង៖ កាលពីថ្ងៃទី២២ខែឧសភា កន្លងទៅ តារាចម្រៀងនិងតារាសម្ដែងស្រី Im Yoona ឬយើងស្គាល់តាមរយៈការដើរតួអង្គជា "ចាង ស៊ីប៊ីយុ" ក្នុងរឿង "អូនជាបេះដូងបង" នោះ បានចូលរួមដើរលើកម្រាលព្រំក្រហម ក្នុងកម្មវិធីមហោស្រពភាពយន្តកាន ដែលធ្វើឡើងនៅទីក្រុងកាន ប្រទេសបារាំង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នាងបានបង្ហាញខ្លួនជាមួយនឹងរ៉ូបពណ៌ផ្កាឈូកដ៏ស្រស់ស្អាត ដោយបានលើកសក់បួង ផាត់មុខស្រាល និងពាក់គ្រឿងអលង្ការម៉ាកយីហោ Qeelin ដែលនាងធ្វើជាអ្នកតំណាង។

ពិតណាស់ សម្រស់ដ៏ស្រស់ស្អាតនិងចែងចាំងរបស់នាង បានទទួលការចាប់អារម្មណ៍ពីអ្នកគាំទ្រជាច្រើន ដោយនាងបានឈរថតរូប និងបក់ដៃដាក់អ្នកគាំទ្រ ប៉ុន្តែគេសង្កេតឃើញថាមានហេតុការណ៍មួយបានកើតឡើងទាក់ទងនឹង ទង្វើសន្តិសុខស្រីម្នាក់ បានធ្វើមកលើនាង។

អំឡុងពេលនាងឡើងកាំជណ្ដើរដើម្បីថតរូបកាច់រាងនិងលេងស្ទាយ៍ឲ្យកាំមេរ៉ាថតរូបនោះ ស្រាប់តែមានសន្តិសុខស្រីម្នាក់ក្នុងកម្មវិធី បានយកដៃបាំងមិនឲ្យកាំមេរ៉ាថតរូបនាងបាន ខណៈដែលនាងបានព្យាយាមឈរថតរូប និងព្យាយាមឱ្យនាង​​​ចូលទៅខាងក្នុង ដែលធ្វើឲ្យមើលទៅរំខាននិងមិនសមរម្យនោះឡើយ។ Yoona ផ្ទាល់ក៏មានទឹកមុខរាងស្រពាប់ស្រពោនដែរ តែនាងមិនបានបញ្ចេញប្រតិកម្មអ្វីនោះឡើយ។

ក្នុងនោះ សន្តិសុខស្រីម្នាក់នោះក៏បានធ្វើដាក់ តារាផ្សេងទៀតដែលមានពណ៌សម្បុររាងស្រអែម ដូចជា Kelly Rowland និង Masiel Taveras ដែលធ្វើឲ្យមានការលើកឡើងថាសន្តិសុខស្រីម្នាក់នោះ បានរើសអើងពូជសាសន៍និងពណ៌សម្បុរ៕

ប្រភព៖: allkpop

• រូបភាព
• តារាកូរ៉េ