មើលរូបទាំងនេះ ទើបដឹងថា Jisoo ស្អាតខ្លាំងទោះមិនមានគ្រឿងសម្អាងក្ដី

កូរ៉េខាងត្បូង៖ តាំងពីចែកផ្លូវជាមួយផលិតកម្ម YG Entertainment មក Jisoo ដែលជាស្រីស្អាតប្រចាំក្រុមចម្រៀងនារី BLACKPINK បានប្រើប្រាស់ជីវិតដ៏មានសេរីភាព ហើយនាងក៏តែងតែបង្ហោះរូបភាពពីសកម្មភាពប្រចាំថ្ងៃឲ្យអ្នកគាំទ្របានដឹងបានឃើញផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កាលពីពេលថ្មីៗទៅនេះ Jisoo បានបង្ហោះរូបភាពនាងបានហាត់ប្រាណដោយធ្វើ Pilates ដែលជារបៀបហាត់ប្រាណដែលនាងចូលចិត្ត ដោយបង្ហាញឲ្យឃើញពីរូបរាងដ៏ស្រស់ស្អាតនិងស្រឡូនរបស់នាង។

ក្នុងរូបភាពចុងក្រោយនេះ Jisoo បានថតជាមួយនឹងឆ្មារបស់គ្រូបង្ហាត់ Pilates របស់នាងដោយពាក់អាវកីឡារឹបរាង និងបួងសក់ឡើង ហើយអ្វីដែលសំខាន់នោះគឺ ផ្ទៃមុខរបស់នាងគ្មានតុបតែងគ្រឿងសម្អាងនោះឡើយ។ ភ្លាមៗនោះ អ្នកគាំទ្របានចូលទៅបញ្ចេញមតិហូរហែថា Jisoo ពិតជាស្រស់ស្អាតដូចទេពធីតា និងមិនមែនស្អាតតែពេលផាត់មុខទេ ដែលទោះគ្មានគ្រឿងសម្អាងក៏សម្រស់នាងនៅតែលេចធ្លោ បែបធម្មជាតិ៕  

ប្រភព៖: koreaboo

• រូបភាព
• តារាកូរ៉េ