កម្សាន្ត៖ អ្នកជំនួញ លោក Wang Xiaofei ដែលត្រូវបានគេស្គាល់ថា ជាអតីតស្វាមី តារាសម្ដែងស្រី Barbie Hsu និងភរិយាថ្មី Mandy បានប្រារព្ធពិធីជប់លៀង នៅភោជនីយដ្ឋានមួយ ក្នុងទីក្រុងសៀងហៃ បន្ទាប់ពីបានចុះឈ្មោះអាពាហ៍ពិពាហ៍ កាលពីព្រឹកថ្ងៃទី ២៧ ឧសភា កន្លងទៅនេះ។
នៅក្នុងវីដេអូដែលអ្នកជំនួញ Wang Xiaofei បានបង្ហោះនៅលើទំព័រផ្ទាល់ខ្លួន លោក និង Mandy បានទទួលទានអាហារជាមួយស្រា និងអាហារបស្ចិមប្រទេស។ ជាពិសេស អ្នកជំនួញរូបនេះ បានបង្ហាញអារម្មណ៍សប្បាយរីករាយយ៉ាងខ្លាំង ដោយលើកកែវ ជាមួយភរិយាដែលទើបនឹងរៀបការ និងមានពេលវេលាដ៏គួរឱ្យស្រលាញ់ជាមួយគ្នា។
កាលពីមុននោះ អ្នកទាំងពីរ បានទាក់ទងទៅអ្នកសារព័ត៌មាន និងបង្ហាញពីសុភមង្គលជាប្តីប្រពន្ធនឹងគ្នា ហើយអ្នកទាំងពីរបាននិយាយថា ពួកគេនឹងត្រឡប់ទៅតៃវ៉ាន់វិញនៅចុងសប្តាហ៍នេះ។ លោក Wang Xiaofei ក៏បាននិយាយដែរថា លោកបានជ្រើសរើសយកថ្ងៃទី ២៧ ខែឧសភា (៥២៧) ដើម្បីចុះបញ្ជីអាពាហ៍ពិពាហ៍ ព្រោះលេខ ៥២៧ ជាភាសាចិនកុកងឺ ត្រូវបានប្រកាសថា «ភរិយាជាទីស្រឡាញ់របស់ខ្ញុំ»៕
ប្រភព៖ Ngoisao.net
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
