អាយដលអ្នកណាគេ? តារារ៉េប Kpop មួយរូប ប្រឈមមុខនឹងការជាប់ពន្ធនាគារ៣ឆ្នាំ ពាក់ព័ន្ធការថតមិត្តស្រីកំឡុងពេលរួម...

កូរ៉េខាងត្បូង៖ យោងតាមរបាយការណ៍កាលពីថ្ងៃទី 29 ឧសភា តុលាការផ្ដន្ទាទោសលោក Choi ឱ្យជាប់ពន្ធនាគាររយៈពេល 3 ឆ្នាំ ក្រោមការចោទប្រកាន់ពីបទរំលោភបំពានច្បាប់ស្តីពីការពិន័យផ្លូវភេទ ដោយលួចថតអតីតមិត្តស្រីរបស់ខ្លួនក្នុងពេលរួមភេទ និងថតនារីម្នាក់ទៀតខណៈនាងដេកលើគ្រែពាក់តែខោក្នុង។

គួរបញ្ជាក់ផងដែរថា ជនជាប់ចោទ ត្រូវបានគេស្គាល់ថាជា តារា Kpop និងជាតារារ៉េបមួយរូប ដែលខ្លួនធ្លាប់បាន Debut កាលពីឆ្នាំ​​ 2017 កន្លងមក ជាមួយនឹងសមាជិកក្រុម 5 នាក់ ប៉ុន្ដែនៅក្នុងឆ្នាំ 2019 លោកក៏បានផ្អាកពីសកម្មភាពក្រុម ដោយសារតែស្ថានភាពសុខភាព។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងអំឡុងពេលសវនាការ ដែលធ្វើឡើងនៅតុលាការក្រុងសេអ៊ូលភាគខាងលិចបាននិយាយថា "សូមពិចារណាអំពីឧក្រិដ្ឋកម្មរបស់ចុងចោទ ចំណែកឯជនរងគ្រោះកំពុងដាក់ញត្តិសម្រាប់ការផ្តន្ទាទោសធ្ងន់ធ្ងរ"។

មេធាវី​របស់​លោក Choi បាន​អង្វរ​សុំ​ការ​បន្ធូរបន្ថយ ដោយ​អះអាង​ថា ចុងចោទ​កំពុង «​ប្រែចិត្ត និង​បង្ហាញ​ចេតនា​សុំទោស​»។ Choi ផ្ទាល់ក៏បានបញ្ជាក់ដែរថា "ឆ្លងកាត់ឧបទ្ទវហេតុនេះ ខ្ញុំមានអារម្មណ៍ថា សោកស្ដាយណាស់ ខ្ញុំបានធ្វើអ្វីដែលខ្ញុំមិនគួរធ្វើ។ លើសពីនេះទៅទៀត ខ្ញុំសូមអភ័យទោសដោយស្មោះចំពោះជនរងគ្រោះ"។

បច្ចុប្បន្ន​មាន​ជនរងគ្រោះ​ចំនួន ៣ នាក់​ដែល​គេ​ស្គាល់តាមរយៈ​​ការ​ថត​​ខុស​ច្បាប់​នោះ ជនរងគ្រោះម្នាក់បានជំរុញឱ្យមានការដាក់ទណ្ឌកម្មយ៉ាងតឹងរ៉ឹងដោយនិយាយថា "Choi មិនបានសុំទោសដោយចេញពីចិត្តនោះទេ។ អ្វីទាំងអស់ដែលគាត់បានធ្វើគឺទាក់ទងខ្ញុំដើម្បីកិច្ចព្រមព្រៀង បន្ទាប់ពីគាត់ត្រូវបានបណ្តេញចេញពីមហាវិទ្យាល័យរបស់គាត់កាលពីខែមុន" ។

តំណាងអយ្យការអះអាងថា Choi បានថតក្លីបរួមភេទចំនួន 18 ដងជាមួយអតីតមិត្តស្រី ក៏ដូចជាថតទៅលើរាងកាយរបស់នាង ចាប់ពីខែកក្កដា ឆ្នាំ 2022 ដល់ខែឧសភា ឆ្នាំ 2023 ។ លើសពីនោះ ខ្លួនត្រូវបានគេចោទថា លួចថតដោយសម្ងាត់ទៅលើជនរងគ្រោះដោយប្រើកម្មវិធីកាមេរ៉ាស្ងាត់ៗ ហើយព្យាយាមលើកទឹកចិត្តនាងឱ្យពាក់ក្រណាត់បិទភ្នែក៕

ប្រភព៖ allkpop

• រូបភាព
• តារាកូរ៉េ