G-Dragon ត្រូវគេរិះគ»-ន់ ដោយសារធ្វើបែបនេះដាក់ Karina សមាជិក aespa

កូរ៉េខាងត្បូង៖ ដូចដែលប្រិយមិត្តបានជ្រាបហើយថា កាលពីចុងឆ្នាំ២០២៣កន្លងទៅនេះ G-Dragon ត្រូវប៉ូលិសកោះហៅចូលមកសាកសួរពាក់ព័ន្ធនឹងរឿងក្ដីប្រើប្រាស់សារធាតុញៀន ប៉ុន្តែក្រោយពីឆ្លងកាត់ការស៉ើបអង្កេតមក រូបគេក៏ត្រូវដោះលែងនិងមានសេរីភាពឡើងវិញ ក្រោយបញ្ជាក់ភាពស្អាតស្អំ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប៉ុន្តែស្របពេល G-Dragon ប្រកាសចាកចេញពី YG Entertainment នោះ កេរ្តិ៍ឈ្មោះរបស់គេហាក់មិនសូវស្អាតដូចមុនដោយមានអ្នកនិយាយមិនល្អពីគេ ជាពិសេសបន្ទាប់ពី G-Dragon បានចុច Follow លើគណនី Instagram របស់ Karina ជាមេក្រុម aespa ។

ក្នុងនោះដែរ G-Dragon បានប្រើប្រាស់គណនីផ្ទាល់ខ្លួនទី២មានឈ្មោះថា "peaceminusone" មក Follow គណនីរបស់ Karina ហើយក៏​​ធ្លាប់បានយកគណនីផ្លូវការមក​ចុច Like លើរូប​​​របស់នាងទៀតផង ដែលធ្វើឲ្យអ្នកលេងអ៊ីនធើណេត គិតថា G-Dragon មានបំណងមិនស្មោះអ្វីម្យ៉ាងមកលើ Karina ទើបបានជាសុខចិត្តយកគណនីទី២ សម្រាប់ប្រើប្រាស់ផ្ទាល់ខ្លួនមក Follow នាង ប៉ុន្តែអ្នកខ្លះទៀត បានបញ្ចេញមតិថាវាជារឿងធម្មតានោះទេ៕  

ប្រភព៖: koreaboo

• រូបភាព
• តារាកូរ៉េ