គេសង្ស័យលែងលះមែន តែ Jennifer Lopez និងស្វាមី នៅតែចេញមកធ្វើរឿងនេះជាមួយគ្នា

អាមេរិក៖ កាលពីពេលថ្មីៗទៅនេះ តារាចម្រៀង Jennifer Lopez ដែលពូកែខាងបញ្ចេញក្បាច់រាំនៅលើឆាកតន្ត្រី កំពុងមានពាក្យចចាមអារ៉ាមថាមានភាពរកាំរកូសជាមួយនឹងស្វាមី Ben Affleck ដោយសារគេខានឃើញអ្នកទាំងពីរចេញបណ្ដើរគ្នាមួយរយៈមកហើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ខណៈនោះលោក Ben Affleck ក៏បានសម្រាកនៅផ្ទះមួយដាច់ដោយឡែកពី Jennifer Lopez ផងដែរដែលធ្វើឲ្យមានការសង្ស័យថាចំណងអាពាហ៍ពិពាហ៍ឈានដល់ផ្លូវបំបែកហើយ។

ប៉ុន្តែជាក់ស្ដែង កាលពីថ្ងៃទី៣០ខែឧសភាកន្លងទៅនេះ អ្នកទាំងពីរបានចេញមកបណ្ដើរគ្នាយ៉ាងត្រសង ដើម្បីចូលរួមពិធីជប់លៀងបញ្ចប់ការសិក្សារបស់កូនស្រីលោក Ben Affleck ជាមួយភរិយាមុនឈ្មោះថា Violet ។

យោងតាម Page Six ម្ដាយរបស់លោក Ben Affleck ត្រូវបានប្រទះឃើញដើរជាមួយ Jennifer Lopez ដែលតាមរយ:រូបភាពនោះ គេឃើញថា Jennifer Lopez បានស្លៀករ៉ូបផ្កាដៃតូវវាលស្មា បញ្ចេញគល់ទ្រូង ជារ៉ូបសម្រុងដល់ត្រឹមកជើង ជាមួយនឹងស្បែកជើងកែងជ័រថ្លា និងពាក់វ៉ែនតា ឯលោក Ben Affleck វិញ ពាក់អាវធំពណ៌ប្រផេះ។ ការចេញបណ្ដើរគ្នារបស់ពួកគេនេះជាសញ្ញាណមួយបញ្ជាក់ថា ទោះមានភាពរកាំរកូសមែន តែទំនាក់ទំនងពួកគេនៅតែបន្តជាធម្មតា៕  

ប្រភព៖: pagesix

• រូបភាព
• តារាអន្តរជាតិ