កម្សាន្ត៖ ប្រិយមិត្តដែលគាំទ្រតារា Kpop ច្បាស់ជាស្គាល់ Hanni ដែលជាសមាជិកក្រុម EXID ដែលរូបនាងមានកេរ្តិ៍ឈ្មោះល្បីល្បាញលេចធ្លោរជាងគេក្នុងក្រុម។ ថ្មីៗនេះ គេបានរាយការណ៍ថា Hani និងមិត្តប្រុស ដែលជាអ្នកចិត្តសាស្ត្រ Yang Jae Woong មានគម្រោងនឹងរៀបការនៅខែកញ្ញា ឆ្នាំ២០២៤នេះហើយ។
យោងតាមរបាយការណ៍ផ្តាច់មុខពី Sports Kyunghyang បានឱ្យដឹងថា Hani និង Yang Jae Woong នឹងរៀបការនៅខែកញ្ញាខាងមុខនេះ។ របាយការណ៍បានបញ្ជាក់ថា ពួកគេបានសម្រេចចិត្តរៀបការហើយ និងកំពុងរៀបចំសម្រាប់ពិធីមង្គលការដោយទទួលបានពរ និងការគាំទ្រយ៉ាងខ្លាំងពីក្រុមគ្រួសារទាំងសងខាង។
បើបកត្រលប់ទៅ ខែមិថុនា ឆ្នាំ ២០២២ ប្រភពព័ត៌មានបានទម្លាយថា Hani និង Yang Jae Woong មានទំនាក់ទំនងស្នេហា ដោយបើកជាសាធារណៈ។ ចាប់តាំងពីពេលនោះមក នាងបានបញ្ចេញរូបថតរួមគ្នាជាមួយមិត្តប្រុសរបស់នាង បង្ហាញពីក្តីស្រលាញ់ និងភាពស្និទ្ធស្នាលចំពោះគ្នាទៅវិញទៅមក៕
ប្រភព៖ Koreaboo
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
