Park Seo Joon ណែនាំគូស្នេហ៍ថ្មី ក្នុងពិធីជប់លៀងយ៉ាងផ្អែមល្ហែម

កូរ៉េខាងត្បូង៖ ថ្មីៗនេះ តារាសម្ដែងប្រុសរូបសង្ហា Park Seo Joon កំពុងមានពាក្យចចាមអារ៉ាមថាមានទំនាក់ទំនងស្នេហាជាមួយនឹង តារាសម្ដែងអាមេរិក-តៃវ៉ាន់ Lauren Tsai ប៉ុន្តែមកទល់ពេលនេះពុំទាន់មានការបញ្ជាក់ច្បាស់ថាយ៉ាងណានោះឡើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដំណឹងនេះបានផ្ទុះឡើង ក្រោយអ្នកគាំទ្រម្នាក់បានប្រទះឃើញលោក Seo Joon បានបណ្ដើរគ្នាជាមួយនឹងនារីដែលគេអាចកត់សម្គាល់អត្តសញ្ញាណថាជា Lauren Tsai នៅឯប្រទេសជប៉ុន។

ឥឡូវនេះ គេកាន់តែសង្ស័យពីទំនាក់ទំនងអ្នកទាំងពីរ បន្ទាប់ពីឃើញរូបថតបែកធ្លាយមួយដែលលោក Park Seo Joon ហាក់នៅក្នុងពិធីជប់លៀង ដោយមានកញ្ញា Lauren Tsai អង្គុយក្បែរ ហើយទឹកមុខពួកគេទាំងពីរក៏ពោរពេញដោយស្នាមញញិម។

ក្នុងរូបភាពមួយទៀត លោក Park Seo Joon បានក្រោកឈរលើកកែវឡើងដូចជាកំពុងនិយាយអ្វីទៅកាន់អ្នកឯទៀត ខណៈ Lauren បានទះដៃ ដែលធ្វើឲ្យគេសង្ស័យថាលោកអាចនឹងណែនាំ Lauren Tsai ទៅកាន់មិត្តភក្តិរបស់គេ ដែលធ្វើឲ្យអ្នកគាំទ្រមានការចង់ដឹងចង់ឮជាខ្លាំងថាតារប្រុសម្នាក់នេះ ពិតជាបានទាក់ទង Lauren Tsai មែនឬយ៉ាងណា៕

ប្រភព៖: altselection

• រូបភាព
• តារាកូរ៉េ