ខកចិត្តយ៉ាងណាទេ! HYPE លុបចោល ការណាត់ជួបឪបហ្វ្រី របស់អ្នកគាំទ្រ និង Jin វិញ

កម្សាន្ត៖ ថ្មីៗនេះ អ្នកគាំទ្រ BTS បានធ្វើការត្អូញត្អែរទៅកាន់ ផលិតកម្ម HYBE ចំពោះការលុបចោល 'album raffle' ដែលត្រូវបានប្រកាសកាលពីប៉ុន្មានថ្ងៃមុនថា ណាត់ជួប Jin ថែមទាំងហ្វ្រីឪបផ្ទាល់ទៀតផង នៅក្នុងកម្មវិធី '2024 Festa' ដែលនឹងប្រារព្ធឡើងនៅថ្ងៃទី 13 ខែមិថុនា។  

គួរបញ្ជាក់ផងដែរថា កាលពីពេលកន្លងទៅនេះ គេបានប្រកាសថា Jin បានស្នើឱ្យមានព្រឹត្តិការណ៍ឱបដោយឥតគិតថ្លៃសម្រាប់ការស្វាគមន៍ជាមួយអ្នកគាំទ្រ បន្ទាប់ពីការចញ្ចប់ពីភារកិច្ចយោធា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ផ្ទុយពីការគិតគូររបស់សិល្បករ ក្រុមហ៊ុនបានធ្វើឱ្យអ្នកគាំទ្រខឹងសម្បារដោយបញ្ជាក់ថា ដើម្បីមានលក្ខណៈគ្រប់គ្រាន់ ពួកគេនឹងធ្វើការចាប់ឆ្នោតនៃព្រឹត្តិការណ៍នេះ អ្នកគាំទ្រនឹងត្រូវទិញអាល់ប៊ុមឱ្យបានច្រើនតាមដែលអាចធ្វើទៅបានក្នុងរយៈពេលពីថ្ងៃទី 2 ខែមិថុនា ដល់ថ្ងៃទី 6 ខែមិថុនា។

ក្រោយមក​ វាបានធ្វើឲ្យអ្នកគាំទ្រមិនពេញចិត្តនឹង HYBE កំពុងប្រើចេតនាល្អរបស់ Jin ដើម្បីបង្កើនការលក់អាល់ប៊ុម ហើយវាជារឿងគួរឱ្យអស់សំណើចណាស់ដែលអ្នកគាំទ្រដែលបានទិញអាល់ប៊ុមមុនរយៈពេលដែលបានបែងចែក មិនត្រូវបានពិចារណាសម្រាប់ព្រឹត្តិការណ៍នោះទេ។

ដោយឡែក ក្រុមហ៊ុន HYBE បានឆ្លើយតបថា ពួកគេនឹងបង្កើតផែនការជំនួសឱ្យបានឆាប់តាមដែលអាចធ្វើទៅបាន ដែលពួកគេនឹងគិតគូរអំពីអ្នកគាំទ្រ ដែលបានធ្វើការទិញអាល់ប៊ុមរួចរាល់ផងដែរ៕

ប្រភព៖ allkpop

• រូបភាព
• តារាកូរ៉េ