សង្ស័យថា​​លែងលះសុខៗ Jennifer Lopez និងស្វាមី ចេញមកបង្ហាញរូបភាពបែបនេះ

បរទេស៖ តារាចម្រៀង Jennifer Lopez និងស្វាមី ដែលជាតារាសម្ដែង លោក Ben Affleck បានបង្ហាញសកម្មភាពដ៏ផ្អែមល្ហែម ថើបថ្ពាល់គ្នា ពេលទៅមើលកូនប្រុស Ben លេងបាល់បោះ ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងតាមប្រភពព័ត៌មាន បានឲ្យដឹងថា Jennifer Lopez បានជួបស្វាមីរបស់នាង កាលពីថ្ងៃអាទិត្យ ហើយបានថើបថ្ពាល់ស្វាមីយ៉ាងល្អូកល្អឺន។ អាចនិយាយបានថា ក្នុងរយៈពេលបីខែមកនេះ នេះជាលើកទីមួយហើយ ដែលគូស្នេហ៍មួយគូនេះ ត្រូវបានគេឃើញមានកាយវិការស្និទ្ធស្នាលបែបនេះ នៅទីសាធារណៈ។ 

កាល​ពី​ចុង​សប្តាហ៍​មុន តារា​ចម្រៀង​វ័យ ៥៤ ឆ្នាំ​រូប​នេះ ​បាន​ប្រកាស​លុប​ចោល​ដំណើរ​កម្សាន្ត​រដូវ​ក្ដៅ​របស់​ខ្លួន​។ ខណៈដែលអ្នករៀបចំដំណើរកម្សាន្តបាននិយាយថា Jennifer Lopez ចង់ចំណាយពេលជាមួយគ្រួសារ កូនៗ និងមិត្តភក្តិជិតស្និទ្ធរបស់នាង។ ហើយកាលពីមុនពេលនោះ តារាស្រីរូបនេះ និង ស្វាមី ត្រូវបានជាប់គាំង នៅក្នុងពាក្យចចាមអារ៉ាមអំពីការបែកបាក់គ្នា ហើយស្វាមីក៏បានជួលផ្ទះឯកជនមួយកាលពីខែមុន។ 

ប្រភព៖ Ngoisao.net

សូមទស្សនារូបភាពខាងក្រោម៖

• រូបភាព
• តារាអន្តរជាតិ