គ្រាន់តែរូបឆ្កែសោះ Han Seo Hee ត្រូវគេសង្ស័យមានទំនាក់ទំនងជាមួយសមាជិកក្រុម NCT រូបនេះ

កូរ៉េខាងត្បូង៖ នៅថ្ងៃទី 2 ខែមិថុនា ការបង្ហោះមួយដែលបានសរសេរថា "មើល Haechan និង Han Seo Hee" ត្រូវបានគេចាប់អារម្មណ៍ពេញបណ្ដាញសង្គម។ នៅក្នុងការបង្ហោះនោះ អ្នកនិយមលេងអ៊ីនធឺណិតម្នាក់បានបង្ហោះរូបថតឆ្កែរបស់ Haechan ដែល Han Seo Hee បានបង្ហោះចូលទៅក្នុងគណនី Instagram ផ្ទាល់ខ្លួនរបស់នាង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ម្ចាស់គណនីនោះបានបង្ហោះរឿងមួយទៀតដែលជារូបថតស្ក្រីន របស់ Han Seo Hee ដែលនាងបានបង្ហោះរូបថតនៃការសន្ទនាជាមួយនរណាម្នាក់ដែលត្រូវបានគេសង្ស័យថាជា Haechan ។ គួរបញ្ជាក់ដែរថា Han Seo Hee ជាអតីត Trainee ម្នាក់ ដែលនាងតែងតែមានពាក្យចចាអារាមទាក់ទងជាមួយតារាប្រុសល្បីៗ តែសុទ្ធតែមិនពិតទាំងអស់។

ជាមួយគ្នានេះ អ្នក​និយម​លេង​អ៊ីនធឺណិត​បាន​ប្រតិកម្ម​នឹង​ការបង្ហោះ​នេះ ដោយ​មាន​មនុស្ស​ជា​ច្រើន​ចោទប្រកាន់ Han Seo Hee ថា​នាងព្យាយាម​ចង់បានការចាប់អារម្មណ៍។ រីឯ អ្នកគាំទ្រជាច្រើនរបស់ Haechan បានបដិសេធថាអ្នកទាំងពីរមិនបាននៅជាមួយគ្នា ហើយអះអាងថារូបថតរបស់ Haechan និងឆ្កែរបស់គាត់គឺតាំងពីយូរយារណាស់មកហើយ៕

ប្រភព​៖​ Koreaboo

• រូបភាព
• តារាកូរ៉េ