Lisa មកបង្ហើបតម្រុយចេញបទចម្រៀងថ្មី នាំហ្វេនជ្រួលអស់

កូរ៉េខាងត្បូង៖ ថ្មីត្បិតចាកចេញពីផលិតកម្ម YG Entertainment ហើយក្ដីតែ Lisa ជាសមាជិកក្រុមចម្រៀងនារី BLACKPINK នៅតែទទួលបានសន្ទុះនៃការគាំទ្រខ្លាំង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នាងបានប្រកាសបើកផលិតកម្មផ្ទាល់ខ្លួនមួយឈ្មោះថា LLOUD ខណៈដែលអ្នកគាំទ្រកំពុងតែរង់ចាំការវិលត្រឡប់មកឆាកតន្ត្រីវិញរបស់នាងព្រោះ អាល់ប៊ុមចុងក្រោយគេរបស់ BLACKPINK មានឈ្មោះថា "Born Pink" បានចេញផ្សាយតាំងពីជិតមួយឆ្នាំមុនមកម៉្លេះ។

ឥឡូវនេះ ស្របពេលនឹងបើកគណនី Tiktok ថ្មីនោះ Lisa បានបង្ហើបតម្រុយចេញបទចម្រៀងថ្មី ដោយគេឃើញថានាងបានបង្ហោះរូបភាពដូចជាផ្ទាំងមួយដាក់ថា "LISA" និងពាក្យថា Coming Soon មានន័យថាឆាប់ៗនេះ។

បន្ទាប់ពីបានឃើញការបង្ហោះនេះហើយ អ្នកគាំទ្រមានការរំភើបនិងជជែកវែកញែកថាតារាស្រីសញ្ជាតិថៃរូបនេះត្រៀមនឹងចេញចម្រៀងថ្មីឆាប់ៗ ព្រោះអាល់ប៊ុមផ្ទាល់ខ្លួនរបស់នាង "Lalisa" ចេញតាំងពីឆ្នាំ២០២១មកម៉្លេះ៕  

ប្រភព៖: allkpop

• រូបភាព
• តារាថៃ
• តារាកូរ៉េ