ដាក់សក់ក្រហមអ៊ីចឹងទៅ Ahyeon ក្រុម BABYMONSTER ស្អាតញាក់

កូរ៉េខាងត្បូង៖ ថ្វីត្បិតក្រុមចម្រៀងនារី BABYMONSTER ទើបតែលេចមុខលើឆាកតន្ត្រី K-POP ក៏ដោយក៏ប្រជាប្រិយភាពរបស់ពួកគេហាក់ស្ទុះឡើងខ្លាំងណាស់ ជាពិសេសបន្ទាប់ពី Ahyeon បានចូលរួមក្រុមវិញ ក្នុងការចេញអាល់ប៊ុមថ្មីរបស់ពួកគេ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ស្របនឹងការទទួលបានការគាំទ្រខ្លាំងលើបទ "SHEESH" សមាជិក BABYMONSTER ទាំងអស់ក៏បានធ្វើដំណើរទៅក្រៅប្រទេសជាលើកដំបូងផងដែរដោយ Ahyeon ក៏បានធ្វើដំណើររួមជាមួយសមាជិកដទៃទៀតដែរ។ កាលពីថ្ងៃទី៦ខែឧសភាកន្លងទៅ BABYMONSTER ក៏បានវិលត្រឡប់មកកូរ៉េវិញ ហើយអ្វីដែលអ្នកគាំទ្រចាប់អារម្មណ៍នោះគឺ Ahyeon បានលេងពណ៌សក់ថ្មីគឺពណ៌ក្រហមចាំងតែម្ដង។

រូបភាពជាច្រើនសន្លឹករបស់នាងបានចែកចាយពេញបណ្ដាញសង្គម ដែលធ្វើឲ្យមានការជជែកវែកញែកពីសម្រស់របស់នាងដែលពិតជាស៊ីនឹងសក់ពណ៌នេះខ្លាំងមែន។ ក្រៅពីនោះ Ahyeon ក៏បានបង្ហាញសារដល់អ្នកគាំទ្របីចំណុចដូចជា៖

"១. មានសុខភាពល្អ។

២. កុំភ្លេចញ៉ាំអាហារ។

៣. សូមឲ្យអ្នកសប្បាយចិត្ត។"

សារនេះបានធ្វើឲ្យអ្នកគាំទ្រកាន់តែស្រលាញ់ចូលចិត្តនាងលើសដើម ដែលបញ្ជាក់ថានាងពិតជាខ្វល់ខ្វាយពីអ្នកគាំទ្រពិតប្រាកដមែន៕

ប្រភព៖: koreaboo

• រូបភាព
• តារាកូរ៉េ