Ronaldo រៀបចំខួបកំណើតដល់ កូនភ្លោះ យ៉ាងក្ដីសុខ

កម្សាន្ត៖ កីឡាករបាល់ទាត់ លោក Cristiano Ronaldo និងមិត្តស្រី Georgina Rodriguez បានប្រារព្ធពិធីជប់លៀងដើម្បីអបអរសាទរខួបកំណើតកូនភ្លោះ Mateo និង Eva គម្រប់ ៧ ឆ្នាំ នៅថ្ងៃទី ៥ ខែមិថុនា កន្លងទៅនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅលើទំព័រផ្ទាល់ខ្លួន កាលពីថ្ងៃទី ៥ ខែមិថុនា លោក Ronaldo បានបង្ហោះរូបថតរបស់ខ្លួន ជាមួយនឹងកូនភ្លោះដោយបានបង្ហាញសារថា «រីករាយថ្ងៃកំណើតដល់ Eva និង Mateo របស់ខ្ញុំ។ ប៉ាស្រលាញ់កូនខ្លាំងណាស់»។

មួយថ្ងៃក្រោយមក កីឡាកររូបនេះ ក៏បានបង្ហោះរូបថតគ្រួសារទាំងមូល នៅឯពិធីខួបកំណើតរបស់កូនទាំងពីរ។ ខណៈតាមរយៈប្រភពមួយ បាននិយាយថា រូបលោក និងគូស្នេហ៍ Georgina បានរៀបចំពិធីជប់លៀងតូចមួយយ៉ាងកក់ក្ដៅ នៅឯផ្ទះវីឡាក្នុងទីក្រុង Madrid ដោយបានអញ្ជើញមិត្តភក្តិជិតស្និទ្ធមកចូលរួម ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ