ស្ងាត់ៗ Lisa វ៉ាដាច់ Jungkook លើកំណត់ត្រាមួយនេះ

កម្សាន្ត៖ ដូចដែលប្រិយមិត្តបានជ្រាបហើយថា ទាំង Lisa មកពីក្រុមចម្រៀងនារី BLACKPINK និង Jungkook ជាសមាជិករបស់ក្រុមចម្រៀងបុរស BTS សុទ្ធតែជាបុគ្គលមានទេពកោសល្យ និងមានកេរ្តិ៍ឈ្មោះល្បីល្បាញខ្លាំង ដែលមិនថាធ្វើអីឬទៅណាមកណា តែងតែមានអ្នកចាប់អារម្មណ៍ជានិច្ច។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កាលពីពេលថ្មីៗទៅនេះ Lisa បានបង្កើតគណនី Tiktok ផ្លូវការ ដែលមានអ្នកចុច Follow លើសពី៥លាននាក់ហើយបើគិតមកត្រឹមថ្ងៃទី៨ខែឧសភាកន្លងទៅ។

យ៉ាងណាមិញ ពេលបង្កើតដំបូង Lisa បានដាក់គណនី Tiktok នាងទៅ Private តែពេលបើកជា Public ភ្លាម នាងទទួលបានអ្នក Followers ១លាននាក់ចំណាយពេលត្រឹម ២ម៉ោង និង១៨នាទី គឺវ៉ាដាច់ Jungkook ដែលចំណាយពេល២ម៉ោង ៣៦នាទី។

ក្រៅពីនោះ Lisa ក៏បានបង្ហើបតម្រុយចេញបទចម្រៀងទោលថ្មីដែរ ដែលធ្វើឲ្យអ្នកគាំទ្រមានការចាប់អារម្មណ៍រង់ចាំមើលថានាងពាំនាំយកអ្វីថ្មី៕  

ប្រភព៖: allkpop

• រូបភាព
• តារាកូរ៉េ