រាជធានីភ្នំពេញ ថ្ងៃទី០៧ ខែមិថុនា ឆ្នាំ ២០២៤ - ធនាគារ ជេ ត្រាស់ រ៉ូយ៉ាល់ និងក្រុមហ៊ុន ភ្នំពេញ មេឌីខល សឺវិស ខមភេនី លីមីធីត បានប្រកាសពីកិច្ចសហការរួមគ្នា ដើម្បីបង្កើនលទ្ធភាពទទួលបានសេវាថែទាំសុខភាពសម្រាប់ប្រជាជនកម្ពុជា។ ភាពជាដៃគូអាជីវកម្មនេះ ធ្វើឡើងជាផ្លូវការតាមរយៈអនុស្សរណៈនៃការយោគយល់គ្នា ដែលនឹងផ្តល់ឱ្យអតិថិជននូវអត្ថប្រយោជន៍បន្ថែម នៅពេលប្រើប្រាស់បណ្ណឥណទាន និងឥណពន្ធរបស់ធនាគារជេ ត្រាស់ រ៉ូយ៉ាល់ សម្រាប់ធ្វើការទូទាត់នៅមន្ទីរពេទ្យរ៉ូយ៉ាល់ភ្នំពេញ និងមន្ទីរពេទ្យរ៉ូយ៉ាល់អង្គរអន្តរជាតិ។
![](https://s9.kh1.co/4e/4e1be5818dc287a84ca22e47a6e7107568653555.jpg)
លោក ឡោ សាលី នាយក នាយកដ្ឋានប្រតិបត្តិការ នៃធនាគារ ជេ ត្រាស់ រ៉ូយ៉ាល់ បានមានប្រសាសន៍ថា “ធនាគារ ជេ ត្រាស់ រ៉ូយ៉ាល់ មានសេចក្តីសោមនស្សរីករាយ ដែលបានសហការជាមួយក្រុមហ៊ុន ភ្នំពេញ មេឌីខល សឺវិស ខមភេនី លីមីធីត ដែលជាក្រុមហ៊ុនឈានមុខខាងផ្នែកសេវាថែទាំសុខភាព ដែលផ្តោតសំខាន់លើការផ្តល់សេវាវេជ្ជសាស្រ្តសម្រាប់ប្រជាជនកម្ពុជា។ ភាពជាដៃគូនេះ ឆ្លុះបញ្ចាំងពីការប្តេជ្ញាចិត្តរបស់យើងក្នុងការគាំទ្រសុខុមាលភាពរបស់អតិថិជនរបស់យើង ដោយផ្តល់ឱ្យពួកគាត់នូវអត្ថប្រយោជន៍បន្ថែម ដែលលើសពីសេវាកម្មធនាគារបែបប្រពៃណី។"
![](https://s9.kh1.co/9a/9a3595634084f2037452b62ef02d01a6dbf47960.jpg)
ស្របនឹងគ្នានេះដែរ លោកសាស្ត្រាចារ្យ Attapoom Susupaus នាយកមន្ទីរពេទ្យរ៉ូយ៉ាល់ភ្នំពេញ បានមានប្រសាសន៍ថា “អនុស្សរណៈនៃការយោគយល់គ្នានេះបង្ហាញពីការបោះជំហានទៅមុខដ៏សំខាន់មួយក្នុងការខិតខំប្រឹងប្រែងឥតឈប់ឈររបស់យើង ដើម្បីឱ្យប្រជាជនកម្ពុជាទទួលបាននូវការថែទាំសុខភាពដែលមានគុណភាពខ្ពស់។ យើងមានទំនុកចិត្តថា កិច្ចសហការនេះនឹងមិនត្រឹមតែផ្តល់ផលប្រយោជន៍ដល់ស្ថាប័នទាំងពីរប៉ុណ្ណោះទេ សំខាន់ជាងនេះទៅទៀតនោះនឹងផ្តល់លទ្ធភាពជូនអតិថិជនក្នុងការរៀបចំគិតគូពីសុខភាព និងសុខុមាលភាពរបស់ពួកគេ ដោយគ្មានភាពតានតឹងផ្នែកហិរញ្ញវត្ថុហួសហេតុពេក”។
![](https://s9.kh1.co/ed/ed68c31c4e7c2a8c8f96e2c22f9d9266c304b145.jpg)
ភាពជាដៃគូនេះ ផ្ដល់ជូននូវអត្ថប្រយោជន៍ជាច្រើនសម្រាប់អតិថិជន ដូចជាប្រតិបត្តិការប្រកបដោយសុវត្ថិភាព និងភាពងាយស្រួល។ ជាមួយនឹងបណ្ណឥណពន្ធ និងឥណទានរបស់ធនាគារ អតិថិជនអាចធ្វើការទូទាត់ប្រកបដោយភាពងាយស្រួល និងសុវត្ថិភាពនៅមន្ទីរពេទ្យ។ បន្ថែមពីលើនេះផងដែរ មធ្យោបាយទូទាត់នេះនឹងផ្ដល់ភាពងាយស្រួល និងកាត់បន្ថយការកាន់សាច់ប្រាក់ច្រើន និងក្តីកង្វល់អំពីសុវត្ថិភាព ព្រមទាំងធានានូវដំណើរការទូទាត់ប្រកបដោយប្រសិទ្ធភាព និងភាពរលូន។
![](https://s9.kh1.co/a1/a186a0cf2100551a9da2612d713ac10cad05d8a9.jpg)
លើសពីនេះ អតិថិជននឹងទទួលបានការបញ្ចុះតម្លៃលើសេវាវេជ្ជសាស្រ្តជាច្រើនប្រភេទ ដែលផ្តល់ជូននៅមន្ទីរពេទ្យ នៅពេលទូទាត់ជាមួយបណ្ណឥណពន្ធ និងឥណទានរបស់ធនាគារ រួមមានការបញ្ចុះតម្លៃរហូតដល់ ១៥% លើតម្លៃបន្ទប់។ ព័ត៌មានលម្អិតជាក់លាក់នៃការបញ្ចុះតម្លៃទាំងនេះនឹងត្រូវបានប្រកាសនាពេលខាងមុខ ដែលអនុញ្ញាតឱ្យអតិថិជនរៀបចំផែនការចំណាយលើការថែទាំសុខភាពរបស់ពួកគាត់ដោយភាពងាយស្រួល និងតម្លៃសមរម្យជាងមុន។
![](https://s9.kh1.co/2e/2e849c7387f6feaca6a7b42d76a7137cb5e8eec7.jpg)
អំពី មន្ទីរពេទ្យរ៉ូយ៉ាល់ភ្នំពេញ
មន្ទីរពេទ្យ រ៉ូយ៉ាល់ ភ្នំពេញ ជាសាខារបស់មន្ទីរពេទ្យបាងកក ប្រទេសថៃ និងជាសមាជិកនៃក្រុមហ៊ុន Bangkok Dusit Medical Services (BDMS) ដែលជាបណ្ដាញមន្ទីរពេទ្យក៏មានកិត្យានុភាពបំផុតមួយនៅប្រទេសថៃ និងក្នុងតំបន់អាស៊ីប៉ាស៊ីហ្វិក ។ មន្ទីរពេទ្យ រ៉ូយ៉ាល់ ភ្នំពេញ ជាមន្ទីរពេទ្យក្នុងស្រុកដំបូងគេ ដែលត្រូវបានទទួលស្គាល់ដោយ JCI (ជាអង្កការត្រួតពិនិ្យគុណភាពមន្ទីរពេទ្យអន្តរជាតិប្រចាំនៅសហរដ្ឋអាមេរិក) បីដងជាប់ៗគ្នា តាំងពីឆ្នាំ ២០១៧ មក។ យើងជាមន្ទីរពេទ្យដែលមានស្តង់ដារស្របតាមមាត្រាដ្ឋានអន្ដរជាតិ មានក្រុមគ្រូពេទ្យពោរពេញដោយជំនាញច្បាស់លាស់ ឧបករណ៍ទំនើប គោរពនូងគោលការណ៍សុវត្ថិភាព និងឯកជនភាពខ្ពស់របស់អ្នកជំងឺ ហើយធ្វើការយ៉ាងស្អិតរមួតជាមួយដៃគូក្រុមហ៊ុនធានារ៉ាប់រងទាំងក្នុងស្រុក និងក្រៅប្រទេស។
![](https://s9.kh1.co/6b/6b2074b328297a5ca931def8a0df88dfc7563d2f.jpg)
មន្ទីរពេទ្យរ៉ូយ៉ាល់ភ្នំពេញ នឹងបន្តលើកកម្ពស់គុណភាពនៃការថែទាំ ហើយនឹងបន្តធ្វើការជាមួយសហគមន៍មូលដ្ឋាន ដើម្បីលើកកម្ពស់ការយល់ដឹងអំពីសុខភាព ដើម្បីធានាគុណភាពជីវិត និងទទួលបានកំណើនប្រកបដោយផលិតភាពនៃចំណេះដឹង និងសម្រេចបាននូវសេដ្ឋកិច្ចប្រកបដោយចីរភាពនៅព្រះរាជាណាចក្រកម្ពុជា។
![](https://s9.kh1.co/d7/d7cf120b32036d37bec7c8c21d62a6c5f8040977.jpg)
![](https://s9.kh1.co/47/4748e45e28bb7027f78bd929424c1b90c7ceb986.jpg)
![](https://s9.kh1.co/b6/b6a42cb61961109da5f6bdc584c425975434c012.jpg)
![](https://s9.kh1.co/63/63f93d11bb8c1147fa928c8ba26c8f2cd102cc10.jpg)
![](https://s9.kh1.co/61/61efb724c19a493ce54cb87d9b8b540e8e6e1151.jpg)
![](https://s9.kh1.co/fe/fe8885b511d8c6494bb2cf49385e87e6e0049774.jpg)
![](https://s9.kh1.co/fb/fb03cb87d925f661f9dc5a5a683799afa7d7d2cb.jpg)
![](https://s9.kh1.co/c3/c33a989e744409ddf9ce113676fb7a667753e7fa.jpg)
អំពីធនាគារ ជេ ត្រាស់ រ៉ូយ៉ាល់
ធនាគារ ជេ ត្រាស់ រ៉ូយ៉ាល់ គឺជាក្រុមហ៊ុនរួមទុន (Joint venture) រវាង ក្រុមហ៊ុន J Trust Co., Ltd. ដែលជាក្រុមហ៊ុនគ្រប់គ្រងហិរញ្ញវត្ថុចម្រុះជប៉ុន ដែលចុះបញ្ជីក្នុងទីផ្សារភាគហ៊ុនតូក្យូ និងក្រុមហ៊ុន Royal Group Finance Co., Ltd ដែលជាក្រុមហ៊ុនធំបំផុតមួយនៅកម្ពុជា។ ធនាគារ ជេ ត្រាស់ រ៉ូយ៉ាល់ គឺជាធនាគារបរទេសធំជាងគេបំផុតមួយនៅក្នុងព្រះរាជាណាចក្រកម្ពុជា ដែលមានការប្តេជ្ញាចិត្តខ្ពស់ ក្នុងការផ្តល់សេវាកម្មហិរញ្ញវត្ថុលំដាប់ពិភពលោក ជូនដល់ប្រជាជនកម្ពុជា និងជនបរទេសដែលរស់នៅ និងធ្វើការនៅក្នុងព្រះរាជាណាចក្រកម្ពុជា ដោយមានបុគ្គលិកច្រើនជាង ៦០០ នាក់ ជាមួយសាខាចំនួន ១៧ នៅរាជធានីភ្នំពេញ ខេត្តសៀមរាប បាត់ដំបង កំពង់ចាម និងខេត្តព្រះសីហនុ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]