ក្រោយសង្ស័-»យបែ-»កគ្នា Ploy បង្ហាញរូបជាមួយគូស្នេហ៍ ឡើងផ្អែមល្ហែម

ថៃ៖ ធ្វើឲ្យហ្វេនៗជាច្រើន មានការចាប់អារម្មណ៍ បន្ទាប់ពីគូស្នេហ៍របស់ តារាស្រី Ploy Chermarn និង លោក Tong Twopee ត្រូវបានគេសង្ស័យ ថាតើទំនាក់ទំនងរបស់អ្នកទាំងពីរ លែងមានភាពផ្អែមល្ហែមដូចមុនទៀតឬយ៉ាងណានោះ ជាពិសេស ភាគីនីមួយៗ មិនបានតាមដានគណនី IG របស់គ្នាទៅវិញទៅមក រហូតមាន​ពាក្យ​ចចាមអារ៉ាម​ពី​គូស្នេហ៍​តារា​ល្បី​មួយ​គូ​បាន​បែកបាក់​គ្នា​។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប៉ុន្តែ កាលពីថ្មីៗនេះ តារាស្រី Ploy Chermarn បានចេញមុខ និងធ្វើការអាប់ដេតនៅលើ Instagram ផ្ទាល់ខ្លួនរបស់នាង ដោយបានបង្ហោះ​រូបភាព ពី​បរិយាកាស​ក្នុង​ពិធី​ខួបកំណើត​របស់មិត្តភក្តិ ខណៈនៅក្នុង​នោះ​ក៏​មាន​រូប​ថត​ជាមួយ​នឹង គូស្នេហ៍ លោក Tong Twopee ទៀតផង។

យ៉ាងណាមិញ តាមរយៈការបង្ហាញបែបនេះ ​បាន​ធ្វើ​ឱ្យ​អ្នក​គាំទ្រ​ធូរ​ចិត្ត​ និង​បាន​ចូល​មក​បញ្ចេញ​មតិ​យ៉ាង​សប្បាយ​រីក​រាយ​ ដោយបានឃើញគូស្នេហ៍មួយនេះ នៅតែមានភាពផ្អែមល្ហែមដូចមុន៕

ប្រភព៖ Kapook

សូមទស្សនារូបភាពខាងក្រោម៖ 

• រូបភាព
• តារាថៃ