សុទ្ធតែអាយដល ស្ងាត់ៗ Rick Kh និង ពេជ្រ ពិសី ដឹកដៃគ្នា ទៅលេង ស្រីផាច ដល់ខេត្តបន្ទាយមានជ័យ

កម្សាន្ត៖ កាលពីថ្មីៗនេះ អ្នកបង្កើតវេទិកា បែបដំណើរកម្សាន្តប្រវត្តិសាស្ត្រ លោក Rick Kh ដែលទទួលបានការស្រឡាញ់គាំទ្រយ៉ាងខ្លាំងក្លាពីសំណាក់មហាជន និង អ្នកបង្កើតវេទិកាបែបសម្រស់ ពេជ្រ ពិសី បានដឹកដៃគ្នាទៅលេងអ្នកបង្កើតវេទិកាមុខម្ហូបខ្មែរដ៏ល្បីល្បាញ ឈុំ ស្រីផាច ដល់ខេត្តបន្ទាយមានជ័យ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយគ្នានេះដែរ ជំនួបរបស់កំពូលអ្នកបង្កើតវីឌេអូទាំង៣នាក់ធ្វើឲ្យកក្រើកបណ្ដាញសង្គម និងព្រមទាំងបានធ្វើឲ្យមហាជនមានក្ដីរំភើបជាខ្លាំង​ ដោយពួកគេសុទ្ធតែជាបុគ្គលល្បី មានចំណេះដឹង និងទេពកោសល្យ ជាពិសេស ពួកគេសុទ្ធតែជាមនុស្សដែលមហាជនស្រឡាញ់ផងដែរ។

បើក្រឡេកទៅមើលការបង្ហោះរបស់ លោក Rich Kh បានសរសេរថា "ត្បិតផ្លូវដើររៀងខ្លួនពិបាកបន្តិច តែការខំប្រឹងគង់បានសម្រេច" ដែលលោកចង់សម្ដៅថា ដំណើររបស់ពួកលោក ខុសៗគ្នា ប៉ុន្ដែជួបការលំបាកដូចគ្នា ហើយការព្យាយាម បានធ្វើឲ្យពួកលោកសម្រេចជោគជ័យដូចសព្វថ្ងៃនេះ។

មិនតែប៉ុណ្ណោះ បើងាកទៅមើលវីដេអូវិញ យើងឃើញថា​ ពួកគេបាននាំគ្នាដើរលេងនៅឯចម្ការរបស់ ស្រីផាច ដែលសំបូរទៅដោយដំណាំផ្លែឈើ និង បន្លែយ៉ាងសំបូរបែប ធ្វើឲ្យ លោក Rick Kh និង ពេជ្រ ពិសី មានការរំភើប ជ្រួលជ្រើមនឹងធម្មជាតិជាខ្លាំង៕

• រូបភាព
• តារាខ្មែរ